ٹوٹے ہوئے پیالے
میں خدا کے ہاتھوں سے گر کر ٹوٹا ہوا پیالہ ہوں
(جو اپنے بکھرے ہوئے ٹکڑوں کو...
ڈھونڈھتا پھرتا ہے)
کبھی کبھی (بہت کبھی کبھی)
کوئی ٹکڑا مل کر اپنی ٹوٹی ہوئی جگہ سے جوڑ بناتا ہے
تو ازلی تسکین اور ابدی سرشاری کا احساس ملتا ہے
جیسے کہ تم!
ہاں پیارے! جیسے تم ملتے ہو تو کچھ ایسا ہی لگتا ہے
جیسے میں تھوڑا مکمل ہو گیا ہوں
جیسے میں پھر سے اپنے چاک پر آ گیا ہوں
تکمیل کی اس مسافت میں
ایک سوال بوند بوند مجھ سے رستا ہے
اتنی بڑی کائنات میں
ٹوٹے ہوئے پیالے کے ٹکڑے کہاں کہاں
بکھرے پڑے ہیں
کیا خبر، کب ہم اپنے باقی ماندہ ٹکڑوں کو پا سکیں
جانے کب ہمیں ازلی تسکین مل سکے
اور جانے کب خدا کی پیاس بجھے
ہاں پیارے!
ہم خدا کے ہاتھوں سے گر کے ٹوٹے ہوئے
پیالے ہیں!!!
مأخذ:
Aik Qadeem Khayal Ki Nigrani Mein (Pg. 109)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
