وہ سمجھتے رہیں انگلینڈ کا مال اچھا ہے

آفتاب رئیس پانی پتی

وہ سمجھتے رہیں انگلینڈ کا مال اچھا ہے

آفتاب رئیس پانی پتی

MORE BYآفتاب رئیس پانی پتی

    سرفروشان وطن کا یہ خیال اچھا ہے

    ہند کے واسطے مرنے کا مآل اچھا ہے

    جذبۂ حب وطن ہو نہ اگر دل میں نہاں

    ایسے جینے سے تو مرنے کا خیال اچھا ہے

    ذرۂ خاک وطن مہر درخشاں ہے مجھے

    وہ سمجھتے رہیں انگلینڈ کا مال اچھا ہے

    جاں بہ لب ہے ستم ایجاد کے ہاتھوں سے وطن

    کون کہتا ہے مرے ہند کا حال اچھا ہے

    ان کو پیرس کے نظاروں پہ فدا ہونے دو

    مجھ کو بھارت کے لیے رنج و ملال اچھا ہے

    کرنے دیتا نہیں جلاد زباں سے اف تک

    دل میں کہتا ہے غریبوں کا سوال اچھا ہے

    لاجپت رائے کی شمشان سے آتی ہے صدا

    ملک کی راہ میں مٹنے کا خیال اچھا ہے

    اپنے مطلب کے لیے ملک کا دشمن جو بنے

    ایسے کمبخت کا دنیا میں زوال اچھا ہے

    زر کے تھالوں میں مٹن چاپ اڑانے دو انہیں

    ہم غریبوں کو مگر جام سفال اچھا ہے

    آفتابؔ آج پھنسا جاتا ہے پھر طائر دل

    ہائے افسوس کہ صیاد کا جال اچھا ہے

    مأخذ :

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY