tumhāre baad ye ġham bhī uThānā paḌtā hai

ḳhushī mile na mile muskurānā paḌtā hai

tumhaare baad ye gham bhi uThana paDta hai

KHushi mile na mile muskurana paDta hai

unheñ yaqīñ ki koī ranj-o-ġham nahīñ mujh ko

mujhe bharam ki mirā mas.ala samajhte haiñ

unhen yaqin ki koi ranj-o-gham nahin mujh ko

mujhe bharam ki mera masala samajhte hain

tum mirā nām-o-nasab pūchh rahe ho sab se

ishq ho jaa.e to shajara nahīñ dekhā jaatā

tum mera nam-o-nasab puchh rahe ho sab se

ishq ho jae to shajara nahin dekha jata

umr-bhar un se ta'alluq nahīñ TuuTā kartā

aise kuchh log haiñ jo dil meñ utar jaate haiñ

umr-bhar un se ta'alluq nahin TuTa karta

aise kuchh log hain jo dil mein utar jate hain

tishnagī aa tujhe dariyā ke havāle kar duuñ

tujh ko is haal meñ pyāsā nahīñ dekhā jaatā

tishnagi aa tujhe dariya ke hawale kar dun

tujh ko is haal mein pyasa nahin dekha jata