عامر رحمتی یکم جولائی 1999 کو سیتاپور (بہرامپور) میں پیدا ہوئے۔ ابتدائی تعلیم اپنے گاؤں ہی میں حاصل کی اور اعلیٰ تعلیم کے لیے دہلی رُخ کیا، جہاں سے اپنی تعلیمی سرگرمیاں مکمل کیں۔ آج کل وہ اپنا کاروبار کرتے ہیں اور کانپور میں سکونت پذیر ہیں۔

وہ ایک باصلاحیت نوجوان شاعر ہیں جن کی شاعری میں لفظوں کا تضاد، گہرائی، سادگی اور حسّاسیت کا خوبصورت امتزاج جھلکتا ہے۔ ان کی غزلیں محبت، غم، یاس اور زندگی کے مختلف جذباتی پہلوؤں کو نہایت لطیف انداز میں بیان کرتی ہیں۔ وہ انسانی رُوح کی پیچیدگیوں کو اس طرح اجاگر کرتے ہیں کہ ہر شعر ایک نئی انسانی کیفیت کو سامنے لاتا ہے۔

عامر رحمتی اپنے صوفیانہ رنگ، عشقِ حقیقی اور نعت و منقبت کی شاعری کے سبب خاص شہرت رکھتے ہیں، جو قاری کو ایک منفرد روحانی تجربے سے ہمکنار کرتی ہے۔