Abdul Hafiz Naeemi's Photo'

عبد الحفیظ نعیمی

1911 | پیلی بھیت, ہندوستان

جگر مرادآبادی کے شاگرد، کلاسیکی رنگ کی شاعری کی

جگر مرادآبادی کے شاگرد، کلاسیکی رنگ کی شاعری کی

تخلص : 'نعیمی'

اصلی نام : عبد الحفیظ

پیدائش : 15 Jan 1911 | پیلی بھیت, اتر پردیش

Relatives : جگر مراد آبادی (استاد)

نام عبدالحفیظ اور تخلص نعیمی تھا۔ ۱۵؍جنوری ۱۹۱۱ء کو موضع کرگناں ، ضلع پیلی بھیت (یوپی) میں پیدا ہوئے۔ تعلیم کی ابتدا ایک مکتب سے ہوئی جہاں کچھ اردو اور فارسی کی تعلیم حاصل کی۔ ان کے گاؤں سے دو میل کے فاصلے پر ایک اسکول تھا۔ اس اسکول سے ساتویں درجے کا امتحان پاس کرکے مزید تعلیم کے لیے ۱۹۲۶ء میں گورنمنٹ ہائی اسکول ، پیلی بھیت میں داخلہ ہوا۔ اپریل ۱۹۳۰ء میں اول پوزیشن حاصل کرکے ہائی اسکول پاس کیا۔ اپریل ۱۹۳۶ء میں پرائیویٹ طور پر بی اے پاس کیا۔ ان کے اصرار پر ان کے والد نے ان کو علی گڑھ بھیج دیا جہاں انھوں نے ایم اے اور قانون کے امتحانات پاس کیے۔ تعلیم سے فارغ ہونے کے بعد وکالت کے پیشے سے منسلک ہوگئے۔زمانہ طالب علمی ہی میں نعیمی نے شاعری شروع کردی تھی۔ جگر مراد آبادی سے تلمذ حاصل تھا۔ ان کی تصانیف کے نام یہ ہیں:
نظم : ’نجم درخشاں‘، ’مرتبہ اندلس‘(حصہ اول)، ’محراب گل ‘(شعری مجموعہ)، ’روزن خواب‘(شعری مجموعہ)۔
نثر : ’سرشار محبت‘، ’مجاہد اسلام‘۔

بحوالۂ:پیمانۂ غزل(جلد اول)،محمد شمس الحق،صفحہ:421

موضوعات