Abid Malik's Photo'

Abid Malik

1978 | Multan, Pakistan

265
Favorite

SORT BY

baḌe sukūn se afsurdagī meñ rahtā huuñ

maiñ apne sāmne vaalī galī meñ rahtā huuñ

baDe sukun se afsurdagi mein rahta hun

main apne samne wali gali mein rahta hun

falak se kaise mirā ġham dikhā.ī degā tujhe

kabhī zamīn pe aa aur zamīñ se dekh mujhe

falak se kaise mera gham dikhai dega tujhe

kabhi zamin pe aa aur zamin se dekh mujhe

miyāñ ye ishq to sab TuuT kar karte haiñ

kisī se hijr agar vālihāna ho jaa.e

miyan ye ishq to sab TuT kar hi karte hain

kisi se hijr agar walihana ho jae

zaḳhm aur peḌ ne ik saath duā māñgī hai

dekhiye pahle yahāñ kaun harā hotā hai

zaKHm aur peD ne ek sath dua mangi hai

dekhiye pahle yahan kaun hara hota hai

sab mujhe DhūñDne nikle haiñ bujhā kar āñkheñ

baat niklī hai ki maiñ ḳhvāb meñ paayā gayā huuñ

sab mujhe DhunDne nikle hain bujha kar aankhen

baat nikli hai ki main KHwab mein paya gaya hun

pūchhtā phirtā huuñ maiñ apnā pata jañgal se

āḳhirī baar daraḳhtoñ ne mujhe dekhā thā

puchhta phirta hun main apna pata jangal se

aaKHiri bar daraKHton ne mujhe dekha tha

ye mohabbat koī anjān shai hotī thī

kyā ye kam hai ki ise terī badaulat samjhe

ye mohabbat koi anjaan si shai hoti thi

kya ye kam hai ki ise teri badaulat samjhe

nikāl laa.e haiñ sab log us ke aks meñ naqs

ye ā.īna abhī tayyār hone vaalā hai

nikal lae hain sab log us ke aks mein naqs

ye aaina abhi tayyar hone wala hai

hazār ta.ane sunegā ḳhajil nahīñ hogā

ye vo hujūm hai jo mushta.il nahīñ hogā

hazar tane sunega KHajil nahin hoga

ye wo hujum hai jo mushtail nahin hoga

abhī se is meñ shabāhat mirī jhalakne lagī

abhī to dasht meñ do chaar din guzāre haiñ

abhi se is mein shabahat meri jhalakne lagi

abhi to dasht mein do chaar din guzare hain