نہ تو آفتاب کی ہے غرض نہ طلب مجھے کوئی چاند کی

وہ چراغ مجھ کو عزیز ہے مری ظلمتوں کو جو نور دے

اس کے چہرے پہ تھا نمک ایسا

آج تک ذائقہ ہے ہونٹوں پر

پختہ اگر ہے عزم تو سوچو نہ دوستو

چھوٹی سی ناؤ اور سمندر وشال ہے

میں اگر آئنہ نہیں ہوتا

کوئی مجھ سے خفا نہیں ہوتا

خطرہ تھا آندھیوں سے مگر ہائے رے نصیب

باد صبا چراغ بجھا کر چلی گئی

چمن میں شور ہے بھنوروں کی چاہت کا بہت لیکن

محبت گل کی بلبل سے ہے خاموشی کے پردے میں

چاہے کتنی بھی اندھیری شب ہو

دیکھنا پھر سے اجالا ہوگا