رہ گیا درد دل کے پہلو میں

یہ جو الفت تھی درد سر نہ ہوئی

کیسی ہیں آزمائشیں کیسا یہ امتحان ہے

میرے جنوں کے واسطے ہجر کی ایک رات بس

شکریا تم نے بجھایا مری ہستی کا چراغ

تم سزاوار نہیں تم نے تو اچھائی کی

جب بات وفا کی آتی ہے جب منظر رنگ بدلتا ہے

اور بات بگڑنے لگتی ہے وہ پھر اک وعدہ کرتے ہیں

اس قدر ڈوبے گناہ عشق میں تیرے حبیب

سوچتے ہیں جائیں گے کس منہ سے توبہ کی طرف

بستی تمام خواب کی ویران ہو گئی

یوں ختم شب ہوئی سحر آسان ہو گئی

کچھ خود میں کشش پیدا کر لو کہ محفل تم سے آنکھ بھرے

یہ چال بڑے عیار کی ہے یہ چال نہ خالی جائے گی

مری غیرت ہمہ گیر نے مجھے تیرے در سے اٹھا دیا

کچھ انا کا زور جو کم ہوا تو خبر ہوئی تو خدا سا ہے

کب سے مانگ رہے ہیں تم سے

ساغر سے مینا سے خم سے

دل لگتا ہے باہر سے جو بوسیدہ مکاں سا

داخل تو کبھی ہو کے یہ قصر ادنی دیکھ

پیمبروں کی زبانی کہی سنی ہم نے

وہ کہہ رہا تھا کہ میرے بھی انتخاب میں آ

بہت شگفتہ و رنگین گفتگو ہے سراجؔ

چمن میں بات تری رنگ و بو سے کھیلے گی

اس کے فقرے سے میں کیا سمجھوں کوئی سمجھا دے

دفعتاً میری طرف دیکھ کے بولا اے ہے

میں حکایت دل بے نوا میں اشارت غم جاوداں

میں وہ حرف آخر معتبر جو لکھا گیا نہ پڑھا گیا

فخر زیبا ہے کہ مدت پہ کہیں جا کے مری

اب طلب گار خدا کی یہ خدائی ہوئی ہے

اس قدر ناز نہ کیجے کہ بزرگوں نے بہت

بارہا بزم خود آرائی سجائی ہوئی ہے

صحرا میں بسے سب دیوانے شہروں میں بھی محشر ہے برپا

اللہ تری اس خلقت سے باقی نہ رہا ویرانہ تک

خواب آلود نگاہوں سے یہ کہتا گزرا

میں حقیقت تھا جو تعبیر میں رکھا گیا تھا