Aftab Hussain's Photo'

Aftab Hussain

1962 | Austria

Prominent Pakistani poet who lives in Austria, well-known to serious poetry circles.

Prominent Pakistani poet who lives in Austria, well-known to serious poetry circles.

kisī tarah to ghaTe dil be-qarārī bhī

chalo vo chashm nahīñ kam se kam sharāb to ho

kisi tarah to ghaTe dil ki be-qarari bhi

chalo wo chashm nahin kam se kam sharab to ho

kuchh aur tarah mushkil meñ Dālne ke liye

maiñ apnī zindagī āsān karne vaalā huuñ

kuchh aur tarah ki mushkil mein Dalne ke liye

main apni zindagi aasan karne wala hun

abhī diloñ tanāboñ meñ saḳhtiyāñ haiñ bahut

abhī hamārī duā meñ asar nahīñ aayā

abhi dilon ki tanabon mein saKHtiyan hain bahut

abhi hamari dua mein asar nahin aaya

chalo kahīñ pe ta.alluq koī shakl to ho

kisī ke dil meñ kisī kamī ġhanīmat hai

chalo kahin pe talluq ki koi shakl to ho

kisi ke dil mein kisi ki kami ghanimat hai

badal rahe haiñ zamāne ke rañg kyā kyā dekh

nazar uThā ki ye duniyā hai dekhne ke liye

badal rahe hain zamane ke rang kya kya dekh

nazar uTha ki ye duniya hai dekhne ke liye

miltā hai aadmī mujhe har maqām par

aur maiñ huuñ aadmī talab se bharā huā

milta hai aadmi hi mujhe har maqam par

aur main hun aadmi ki talab se bhara hua

vaqt vahshī havā kyā kyā uḌā kar le ga.ī

ye bhī kyā kam hai ki kuchh us kamī maujūd hai

waqt ki wahshi hawa kya kya uDa kar le gai

ye bhi kya kam hai ki kuchh us ki kami maujud hai

kab tak saath nibhātā āḳhir

vo bhī duniyā meñ rahtā hai

kab tak sath nibhata aaKHir

wo bhi duniya mein rahta hai

khilā rahegā kisī yaad ke jazīre par

ye baaġh maiñ jise vīrān karne vaalā huuñ

khila rahega kisi yaad ke jazire par

ye bagh main jise viran karne wala hun

log kis kis tarah se zinda haiñ

hameñ marne bhī salīqa nahīñ

log kis kis tarah se zinda hain

hamein marne ka bhi saliqa nahin

haal hamārā pūchhne vaale

kyā batlā.eñ sab achchhā hai

haal hamara puchhne wale

kya batlaen sab achchha hai

jo kuchh nigāh meñ hai haqīqat meñ vo nahīñ

jo tere sāmne hai tamāshā kuchh aur hai

jo kuchh nigah mein hai haqiqat mein wo nahin

jo tere samne hai tamasha kuchh aur hai

vo yuuñ milā thā ki jaise kabhī na bichhḌegā

vo yuuñ gayā ki kabhī lauT kar nahīñ aayā

wo yun mila tha ki jaise kabhi na bichhDega

wo yun gaya ki kabhi lauT kar nahin aaya

husn vāloñ meñ koī aisā ho

jo mujhe mujh se churā kar le jaa.e

husn walon mein koi aisa ho

jo mujhe mujh se chura kar le jae

pate baat bhī muñh se nikal jaatī hai

kabhī kabhī koī jhūTī ḳhabar banāte hue

pate ki baat bhi munh se nikal hi jati hai

kabhi kabhi koi jhuTi KHabar banate hue

vo sar se paañv tak hai ġhazab se bharā huā

maiñ bhī huuñ aaj josh-e-talab se bharā huā

wo sar se panw tak hai ghazab se bhara hua

main bhi hun aaj josh-e-talab se bhara hua

duniyā se alaihadgī rāsta

duniyā se nibāh kar ke dekhā

duniya se alaihadgi ka rasta

duniya se nibah kar ke dekha

ek manzar hai ki āñkhoñ se saraktā nahīñ

ek saa.at hai ki saarī umr par taarī huī

ek manzar hai ki aankhon se sarakta hi nahin

ek saat hai ki sari umr par tari hui

zarā jo fursat-e-nazzārgī mayassar ho

to ek pal meñ bhī kyā kyā hai dekhne ke liye

zara jo fursat-e-nazzargi mayassar ho

to ek pal mein bhi kya kya hai dekhne ke liye

har ek gaam ulajhtā huuñ apne aap se maiñ

vo tiir huuñ jo ḳhud apnī kamāñ zad meñ hai

har ek gam ulajhta hun apne aap se main

wo tir hun jo KHud apni kaman ki zad mein hai

kartā kuchh aur hai vo dikhātā kuchh aur hai

dar-asl silsila pas-e-parda kuchh aur hai

karta kuchh aur hai wo dikhata kuchh aur hai

dar-asl silsila pas-e-parda kuchh aur hai

ye soch kar bhī to us se nibāh ho na sakā

kisī se ho bhī sakā hai mirā guzāra kahīñ

ye soch kar bhi to us se nibah ho na saka

kisi se ho bhi saka hai mera guzara kahin

firāq mausam chilmanoñ se visāl lamhe chamak uTheñge

udaas shāmoñ meñ kāġhaz-e-dil pe guzre vaqtoñ ke baab likhnā

firaq mausam ki chilmanon se visal lamhe chamak uThenge

udas shamon mein kaghaz-e-dil pe guzre waqton ke bab likhna

dil-e-muztar vafā ke baab meñ ye jald-bāzī kyā

zarā ruk jaa.eñ aur dekheñ natīja kyā nikaltā hai

dil-e-muztar wafa ke bab mein ye jald-bazi kya

zara ruk jaen aur dekhen natija kya nikalta hai

kyā ḳhabar mere siine meñ paḌī sotī ho

bhāgtā phirtā huuñ jis rog-bharī raat se maiñ

kya KHabar mere hi sine mein paDi soti ho

bhagta phirta hun jis rog-bhari raat se main

apne dam se charāġhāñ hai vagarna 'āftāb'

ik sitāra bhī mirī vīrān shāmoñ meñ nahīñ

apne hi dam se charaghan hai wagarna 'aftab'

ek sitara bhi meri viran shamon mein nahin

kab bhaTak jaa.e 'āftāb' husain

aadmī koī bharosa nahīñ

kab bhaTak jae 'aftab' husain

aadmi ka koi bharosa nahin

ye dil raah chamaktī thī aa.ine tarah

guzar gayā vo use bhī ġhubār karte hue

ye dil ki rah chamakti thi aaine ki tarah

guzar gaya wo use bhi ghubar karte hue

so apne haath se diiñ bhī gayā hai duniyā bhī

ki ik sire ko pakaḌte to dūsrā jaatā

so apne hath se din bhi gaya hai duniya bhi

ki ek sire ko pakaDte to dusra jata

ga.e manzaroñ se ye kyā uḌā hai nigāh meñ

koī aks hai ki ġhubār hai nigāh meñ

gae manzaron se ye kya uDa hai nigah mein

koi aks hai ki ghubar sa hai nigah mein

kin manzaroñ meñ mujh ko mahaknā thā 'āftāb'

kis regzār par huuñ maiñ aa kar khilā huā

kin manzaron mein mujh ko mahakna tha 'aftab'

kis regzar par hun main aa kar khila hua

asās-e-jism uThā.ūñ na.e sire se magar

ye sochtā huuñ ki miTTī mirī ḳharāb to ho

asas-e-jism uThaun nae sire se magar

ye sochta hun ki miTTi meri KHarab to ho

tire badan ke gulistāñ yaad aatī hai

ḳhud apnī zaat ke sahrā ko paar karte hue

tere badan ke gulistan ki yaad aati hai

KHud apni zat ke sahra ko par karte hue

abhī hai husn meñ husn-e-nazar kār-farmā.ī

abhī se kyā batā.eñ ham ki vo kaisā nikaltā hai

abhi hai husn mein husn-e-nazar ki kar-farmai

abhi se kya bataen hum ki wo kaisa nikalta hai

diloñ ke baab meñ kyā daḳhl 'āftāb-husain'

so baat phail ga.ī muḳhtasar banāte hue

dilon ke bab mein kya daKHl 'aftab-husain'

so baat phail gai muKHtasar banate hue

vo shor hotā hai ḳhvāboñ meñ 'āftāb' 'husain'

ki ḳhud ko niind se bedār karne lagtā huuñ

wo shor hota hai KHwabon mein 'aftab' 'husain'

ki KHud ko nind se bedar karne lagta hun

kuchh rabt-e-ḳhās asl zāhir ke saath hai

ḳhushbū uḌe to uḌtā hai phūloñ rañg bhī

kuchh rabt-e-KHas asl ka zahir ke sath hai

KHushbu uDe to uDta hai phulon ka rang bhi

azāb-e-barq-o-bārāñ thā añdherī raat thī

ravāñ thiiñ kashtiyāñ kis shaan se is jhiil meñ

azab-e-barq-o-baran tha andheri raat thi

rawan thin kashtiyan kis shan se is jhil mein

ga.e zamānoñ dard kajlā.ī bhūlī bisrī kitāb paḌh kar

jo ho sake tum se aane vaale dinoñ ke rañgīn ḳhvāb likhnā

gae zamanon ki dard kajlai bhuli bisri kitab paDh kar

jo ho sake tum se aane wale dinon ke rangin KHwab likhna