phir nahīñ mere sivā koī bhī hotā terā

tū agar jaan ye jaatā ki mohabbat kyā hai

phir nahin mere siwa koi bhi hota tera

tu agar jaan ye jata ki mohabbat kya hai

maiñ ne ik baar mohabbat se na dekhā us ko

jis ne har baar mohabbat se mujhe dekhā hai

main ne ek bar mohabbat se na dekha us ko

jis ne har bar mohabbat se mujhe dekha hai

dekh leñ aap bhī raunaqeñ ḳhuld kī

shaiḳh jī aaj chaliye chaleñ mai-kade

dekh len aap bhi raunaqen KHuld ki

shaiKH ji aaj chaliye chalen mai-kade

jise ek par ek dhokā milā ho

vo kaise kisī par bharosa karegā

jise ek par ek dhoka mila ho

wo kaise kisi par bharosa karega

TūTegā aap kā dil ḳhadsha hai ye mujhe

zinhār mujh se nisbat rakhiye na aap bhī

TuTega aap ka dil KHadsha hai ye mujhe

zinhaar mujh se nisbat rakhiye na aap bhi

dekhe hai un kī zulf ko har roz aa.ina

'ahras' siyāh-baḳht ko ye bhī nahīñ nasīb

dekhe hai un ki zulf ko har roz aaina

'ahras' siyah-baKHt ko ye bhi nahin nasib

ik musalsal dhaḌak phir yakāyak sukūñ

un ke dekhe se dil kā 'ajab haal hai

ek musalsal dhaDak phir yakayak sukun

un ke dekhe se dil ka 'ajab haal hai

zindagī Dhote hue log kahāñ tak jaa.eñ

koī is sang-e-garāñ se nahīñ bach paayā hai

zindagi Dhote hue log kahan tak jaen

koi is sang-e-garan se nahin bach paya hai

'ishq kī intihā meñ ye jaanā

saarī mushkil hī ibtidā kī hai

'ishq ki intiha mein ye jaana

sari mushkil hi ibtida ki hai