نہ جانے آج یہ کس کا خیال آیا ہے

خوشی کا رنگ لیے ہر ملال آیا ہے

کس کو بتائیں اب کہ نہ چل کر تمام عمر

ہم نے خود اپنے آپ میں کتنا سفر کیا

عجیب وحشتیں حصے میں اپنے آئی ہیں

کہ تیرے گھر بھی پہنچ کر سکوں نہ پائیں ہم

وہ میری راہ میں کانٹے بچھائے میں لیکن

اسی کو پیار کروں اس پہ اعتبار کروں

اب یہ ہوگا شاید اپنی آگ میں خود جل جائیں گے

تم سے دور بہت رہ کر بھی کیا پایا کیا پائیں گے

کیوں ہمارے سانس بھی ہوتے ہیں لوگوں پر گراں

ہم بھی تو اک عمر لے کر اس جہاں میں آئے تھے

تو میسر تھا تو دل میں تھے ہزاروں ارماں

تو نہیں ہے تو ہر اک سمت عجب رنگ ملال