Ahmad Mahfuz's Photo'

Ahmad Mahfuz

1966 | Delhi, India

Well-known critic, poet, and Urdu faculty at Jamia Millia Islamia, known for his critical book on MeerTaqi Meer

Well-known critic, poet, and Urdu faculty at Jamia Millia Islamia, known for his critical book on MeerTaqi Meer

238
Favorite

SORT BY

sunā hai shahr naqsha badal gayā 'mahfūz'

to chal ke ham bhī zarā apne ghar ko dekhte haiñ

suna hai shahr ka naqsha badal gaya 'mahfuz'

to chal ke hum bhi zara apne ghar ko dekhte hain

kahāñ kisī ko thī fursat fuzūl bātoñ

tamām raat vahāñ zikr bas tumhārā thā

kahan kisi ko thi fursat fuzul baaton ki

tamam raat wahan zikr bas tumhaara tha

nahīñ āsmāñ tirī chaal meñ nahīñ ā.ūñgā

maiñ palaT ke ab kisī haal meñ nahīñ ā.ūñgā

nahin aasman teri chaal mein nahin aaunga

main palaT ke ab kisi haal mein nahin aaunga

yuuñ to bahut hai mushkil band-e-qabā khulnā

jo khul gayā to phir ye uqda khulā rahegā

yun to bahut hai mushkil band-e-qaba ka khulna

jo khul gaya to phir ye uqda khula rahega

us se milnā aur bichhaḌnā der tak phir sochnā

kitnī dushvārī ke saath aa.e the āsānī meñ ham

us se milna aur bichhaDna der tak phir sochna

kitni dushwari ke sath aae the aasani mein hum

yahīñ gum huā thā ka.ī baar maiñ

ye rasta hai sab merā dekhā huā

yahin gum hua tha kai bar main

ye rasta hai sab mera dekha hua

use bhulāyā to apnā ḳhayāl bhī na rahā

ki merā saarā asāsa isī makān meñ thā

use bhulaya to apna KHayal bhi na raha

ki mera sara asasa isi makan mein tha

kisī se kyā kaheñ suneñ agar ġhubār ho ga.e

hamīñ havā zad meñ the hamīñ shikār ho ga.e

kisi se kya kahen sunen agar ghubar ho gae

hamin hawa ki zad mein the hamin shikar ho gae

milne diyā na us se hameñ jis ḳhayāl ne

sochā to us ḳhayāl se sadma bahut huā

milne diya na us se hamein jis KHayal ne

socha to us KHayal se sadma bahut hua

dekhnā jo shart Thahrī hai

phir to āñkhoñ meñ koī manzar ho

dekhna hi jo shart Thahri hai

phir to aankhon mein koi manzar ho

ham ko āvārgī kis dasht meñ laa.ī hai ki ab

koī imkāñ nahīñ lauT ke ghar jaane

hum ko aawargi kis dasht mein lai hai ki ab

koi imkan hi nahin lauT ke ghar jaane ka

ab is makāñ meñ nayā koī dar nahīñ karnā

ye kaam sahl bahut hai magar nahīñ karnā

ab is makan mein naya koi dar nahin karna

ye kaam sahl bahut hai magar nahin karna

gum-shuda maiñ huuñ to har samt bhī gum hai mujh meñ

dekhtā huuñ vo kidhar DhūñDne jaatā hai mujhe

gum-shuda main hun to har samt bhi gum hai mujh mein

dekhta hun wo kidhar DhunDne jata hai mujhe

tārīkī ke raat azaab kyā kam the

din niklā to sūraj bhī saffāk huā

tariki ke raat azab hi kya kam the

din nikla to suraj bhi saffak hua

ye shuġhl-e-zabānī bhī be-sarfa nahīñ āḳhir

sau baat banātā huuñ ik baat banāne ko

ye shughl-e-zabani bhi be-sarfa nahin aaKHir

sau baat banata hun ek baat banane ko

bichhaḌ ke ḳhaak hue ham to kyā zarā dekho

ġhubār ke usī kārvāñ se miltā hai

bichhaD ke KHak hue hum to kya zara dekho

ghubar ja ke usi karwan se milta hai

shor harīm-e-zāt meñ āḳhir uTThā kyuuñ

andar dekhā jaa.e ki bāhar dekhā jaa.e

shor harim-e-zat mein aaKHir uTTha kyun

andar dekha jae ki bahar dekha jae

mirī ibtidā mirī intihā kahīñ aur hai

maiñ shumāra-e-mah-o-sāl meñ nahīñ ā.ūñgā

meri ibtida meri intiha kahin aur hai

main shumara-e-mah-o-sal mein nahin aaunga

dāman ko zarā jhaTak to dekho

duniyā hai kuchh aur shai nahīñ hai

daman ko zara jhaTak to dekho

duniya hai kuchh aur shai nahin hai

chaḌhā huā thā vo dariyā agar hamāre liye

to dekhte rahe kyuuñ utar nahīñ ga.e ham

chaDha hua tha wo dariya agar hamare liye

to dekhte hi rahe kyun utar nahin gae hum

ye jo dhuāñ dhuāñ hai dasht-e-gumāñ ke ās-pās

kyā koī aag bujh ga.ī sarhad-e-jāñ ke ās-pās

ye jo dhuan dhuan sa hai dasht-e-guman ke aas-pas

kya koi aag bujh gai sarhad-e-jaan ke aas-pas

ye kaisā ḳhuuñ hai ki bah rahā hai na jam rahā hai

ye rañg dekhūñ ki dil jigar fishār dekhūñ

ye kaisa KHun hai ki bah raha hai na jam raha hai

ye rang dekhun ki dil jigar ka fishaar dekhun

zaḳhmoñ ko ashk-e-ḳhūñ se sairāb kar rahā huuñ

ab aur bhī tumhārā chehra khilā rahegā

zaKHmon ko ashk-e-KHun se sairab kar raha hun

ab aur bhi tumhaara chehra khila rahega