be-sabab kuchh bhī nahīñ hotā hai yā yuuñ kahiye

aag lagtī hai kahīñ par to dhuāñ hotā hai

be-sabab kuchh bhi nahin hota hai ya yun kahiye

aag lagti hai kahin par to dhuan hota hai

har-dam badan kī qaid kā ronā fuzūl hai

mausam sadā.eñ de to bikhar jaanā chāhiye

har-dam badan ki qaid ka rona fuzul hai

mausam sadaen de to bikhar jaana chahiye

jise parchhā.īñ samjhe the haqīqat meñ na paikar ho

parakhnā chāhiye thā aap ko us shai ko chhū kar bhī

jise parchhain samjhe the haqiqat mein na paikar ho

parakhna chahiye tha aap ko us shai ko chhu kar bhi

qadam baḌhā to luuñ ābādiyoñ kī samt magar

mujhe vo DhūñDhtā tanhā.iyoñ meñ aayā to

qadam baDha to lun aabaadiyon ki samt magar

mujhe wo DhunDhta tanhaiyon mein aaya to

vo shakl vo shanāḳht vo paikar kī aarzū

patthar kī ho ke rah ga.ī patthar kī aarzū

wo shakl wo shanaKHt wo paikar ki aarzu

patthar ki ho ke rah gai patthar ki aarzu