kam-zarf zamāne kī hiqārat kā gila kyā

maiñ ḳhush huuñ mirā pyaar samundar kī tarah hai

kam-zarf zamane ki hiqarat ka gila kya

main KHush hun mera pyar samundar ki tarah hai

ab bhī aatī hai tirī yaad pa is karb ke saath

TūTtī niiñd meñ jaise koī sapnā dekhā

ab bhi aati hai teri yaad pa is karb ke sath

TuTti nind mein jaise koi sapna dekha

mujh ko manzil bhī na pahchān sakī

maiñ ki jab gard-e-safar se niklā

mujh ko manzil bhi na pahchan saki

main ki jab gard-e-safar se nikla

ashk jab dīda-e-tar se niklā

ek kāñTā sā jigar se niklā

ashk jab dida-e-tar se nikla

ek kanTa sa jigar se nikla

thakā huā huuñ kisī saa.e kī talāsh meñ huuñ

bichhaḌ gayā huuñ sitāroñ se raushnī kī tarah

thaka hua hun kisi sae ki talash mein hun

bichhaD gaya hun sitaron se raushni ki tarah

apnoñ kī chāhatoñ ne bhī kyā kyā diye fareb

rote rahe lipaT ke har ik ajnabī ke saath

apnon ki chahaton ne bhi kya kya diye fareb

rote rahe lipaT ke har ek ajnabi ke sath

toḌ bhī do ehsās ke rishte chhoḌ bhī do dukh apnāne

ro ro ke jīvan kāTo.ge ro ro ke mar jāoge

toD bhi do ehsas ke rishte chhoD bhi do dukh apnane

ro ro ke jiwan kaToge ro ro ke mar jaoge

jañgal kī dhuup chhāñv hī jañgal kā husn hai

sāyoñ ko bhī qubūl karo raushnī ke saath

jangal ki dhup chhanw hi jangal ka husn hai

sayon ko bhi qubul karo raushni ke sath

vo ḳhud to mar hī gayā thā mujhe bhī maar gayā

vo apne rog mirī ruuh meñ utaar gayā

wo KHud to mar hi gaya tha mujhe bhi mar gaya

wo apne rog meri ruh mein utar gaya

sāhil sāhil daar saje haiñ mauj mauj zanjīreñ haiñ

Dūbne vaale dariyā dariyā jashn manāte rahte haiñ

sahil sahil dar saje hain mauj mauj zanjiren hain

Dubne wale dariya dariya jashn manate rahte hain

añdherī raat kī parchhā.iyoñ meñ Duub gayā

sahar kī khoj meñ jo bhī ufuq ke paar gayā

andheri raat ki parchhaiyon mein Dub gaya

sahar ki khoj mein jo bhi ufuq ke par gaya

maiñ har ik haal meñ thā gardish-e-daurāñ kā amiiñ

jis ne duniyā nahīñ dekhī mirā chehra dekhe

main har ek haal mein tha gardish-e-dauran ka amin

jis ne duniya nahin dekhi mera chehra dekhe

āḳhirī diid hai aao mil leñ

rañj be-kār hai kyā honā hai

aaKHiri did hai aao mil len

ranj be-kar hai kya hona hai

chāñdnī ke haath bhī jab ho ga.e shal raat ko

apne siine par sambhālā maiñ ne bojhal raat ko

chandni ke hath bhi jab ho gae shal raat ko

apne sine par sambhaala main ne bojhal raat ko

jurm-e-hastī kī sazā kyuuñ nahīñ dete mujh ko

log jiine kī duā kyuuñ nahīñ dete mujh ko

jurm-e-hasti ki saza kyun nahin dete mujh ko

log jine ki dua kyun nahin dete mujh ko