میں تو اس واسطے چپ ہوں کہ تماشا نہ بنے

تو سمجھتا ہے مجھے تجھ سے گلا کچھ بھی نہیں

میں گھر کو پھونک رہا تھا بڑے یقین کے ساتھ

کہ تیری راہ میں پہلا قدم اٹھانا تھا

ابھی سفر میں کوئی موڑ ہی نہیں آیا

نکل گیا ہے یہ چپ چاپ داستان سے کون

مدتوں میں آج دل نے فیصلہ آخر دیا

خوبصورت ہی سہی لیکن یہ دنیا جھوٹ ہے

اب تو ہاتھوں سے لکیریں بھی مٹی جاتی ہیں

اس کو کھو کر تو مرے پاس رہا کچھ بھی نہیں

وہ مسکرا کے کوئی بات کر رہا تھا شمارؔ

اور اس کے لفظ بھی تھے چاندنی میں بکھرے ہوئے

تو نے ایک عمر کے بعد پوچھا ہے حال دل

وہی درد و غم وہی حسرتیں مرے ساتھ ہیں

میری رسوائی اگر ساتھ نہ دیتی میرا

یوں سر بزم میں عزت سے نکلتا کیسے

میں زندگی کے سفر میں تھا مشغلہ اس کا

وہ ڈھونڈ ڈھونڈ کے مجھ کو گنوا دیا کرتا

پہاڑ بھانپ رہا تھا مرے ارادے کو

وہ اس لیے بھی کہ تیشہ مجھے اٹھانا تھا

مری نگاہ کی وسعت بھی اس میں شامل کر

مری زمین پہ تیرا یہ آسماں کم ہے

دل کے اوراق میں مہکی ہوئی کلیوں کی طرح

ایک اک یاد تری حسب ضرورت رکھ لی