office kī fā.iloñ meñ tirī zulf kā ḳhayāl

dil apne kaam se hai dimāġh apne kaam se

office ki failon mein teri zulf ka KHayal

dil apne kaam se hai dimagh apne kaam se

maiñ use dafnā to aayā huuñ magar royā nahīñ

farz puurā kar diyā par zimmedārī rah ga.ī

main use dafna to aaya hun magar roya nahin

farz pura kar diya par zimmedari rah gai

vo baḌī taab baḌe hausloñ vaalā laḌkā

jab tirī yaad se laḌtā hai to ro detā hai

wo baDi tab baDe hauslon wala laDka

jab teri yaad se laDta hai to ro deta hai

rone vaale kahāñ ye samjheñge

ro na paane meñ mas.ala kyā hai

rone wale kahan ye samjhenge

ro na pane mein masala kya hai

dalīl dī ga.ī kahīñ nizām se kiyā gayā

hamārā faisla hamāre naam se kiyā gayā

dalil di gai kahin nizam se kiya gaya

hamara faisla hamare nam se kiya gaya

kamre meñ kuchh bhī nahīñ bas intizārī rah ga.ī

ek adhūrā 'ishq aur ḳhushbū tumhārī rah ga.ī

kamre mein kuchh bhi nahin bas intizari rah gai

ek adhura 'ishq aur KHushbu tumhaari rah gai

miltī hai zindagī to yahī pūchhtī hai bas

vo ḳhud-kushī kā ḳhvāb jo dekhā thā kyā huā

milti hai zindagi to yahi puchhti hai bas

wo KHud-kushi ka KHwab jo dekha tha kya hua

mujh pe aaseb sī utartī hai

pahle rishte kī āḳhirī āvāz

mujh pe aaseb si utarti hai

pahle rishte ki aaKHiri aawaz

log ruk ruk ke lagātār tujhe dekhte haiñ

jo the yūsuf ke ḳharīdār tujhe dekhte haiñ

log ruk ruk ke lagatar tujhe dekhte hain

jo the yusuf ke KHaridar tujhe dekhte hain

matrūk rāstoñ pe palaT aane kā ḳhayāl

'haidar-husain’ yaar bahut der ho ga.ī

matruk raston pe palaT aane ka KHayal

'haidar-husain’ yar bahut der ho gai