jism ne apnī 'umr guzārī sindh ke registānoñ meñ

dil kam-baḳht baḌā ziddī thā āḳhir tak panjāb rahā

jism ne apni 'umr guzari sindh ke registanon mein

dil kam-baKHt baDa ziddi tha aaKHir tak panjab raha

in galī kūchoñ meñ bahnoñ kā muhāfiz kaun hai

kasb-e-zar kī dauḌ meñ bastī se māñ-jā.e ga.e

in gali kuchon mein bahnon ka muhafiz kaun hai

kasb-e-zar ki dauD mein basti se man-jae gae

ghaTe to jehl-e-murakkab baḌhe to karb-e-hayāt

ye āgahī bhī musībat hai aadmī ke liye

ghaTe to jehl-e-murakkab baDhe to karb-e-hayat

ye aagahi bhi musibat hai aadmi ke liye

dayār-e-husn meñ tajdīd-e-'āshiqī ke liye

ham aise log zarūrī haiñ har sadī ke liye

dayar-e-husn mein tajdid-e-'ashiqi ke liye

hum aise log zaruri hain har sadi ke liye

avval avval 'ilm faqat ik nuqta thā

āḳhir āḳhir jehl banā tāvīloñ se

awwal awwal 'ilm faqat ek nuqta tha

aaKHir aaKHir jehl bana tawilon se

baat kahī aur kah kar ḳhud hī kaaT bhī dī

ye bhī ek pairāya thā samjhāne kā

baat kahi aur kah kar KHud hi kaT bhi di

ye bhi ek pairaya tha samjhane ka

chāñd tak uḌ kar pahuñchne kā nahīñ imkān jā

jā chakorī apne ghar vāloñ kā kahnā maan jā

chand tak uD kar pahunchne ka nahin imkan ja

ja chakori apne ghar walon ka kahna man ja

ġham-e-'āshiqī tirī ḳhair ho mirī kā.enāt sañvār dī

jise radd kiyā thā dimāġh ne vahī baat dil meñ utaar dī

gham-e-'ashiqi teri KHair ho meri kaenat sanwar di

jise radd kiya tha dimagh ne wahi baat dil mein utar di

ek kueñ kī gahrā.ī se misr ke taḳht-e-shāhī tak

dekhne vaalī aañkh ko kitne nādīda bāzār mile

ek kuen ki gahrai se misr ke taKHt-e-shahi tak

dekhne wali aankh ko kitne nadida bazar mile

pahuñchī diloñ kī aag hamāre ḳhiyām tak

lekin dhuāñ to jā.egā darbār-e-shām tak

pahunchi dilon ki aag hamare KHiyam tak

lekin dhuan to jaega darbar-e-sham tak

kahāñ tak falsafa alfāz ke aaseb se bachtā

ma'ānī zehn ke andar bhī harf-ālūd hote haiñ

kahan tak falsafa alfaz ke aaseb se bachta

ma'ani zehn ke andar bhi harf-alud hote hain

'itr faroshoñ ke kūche meñ ek shanāsā ḳhushbū ne

merā dāman thaam liyā thā itnī der zarūr huī

'itr faroshon ke kuche mein ek shanasa KHushbu ne

mera daman tham liya tha itni der zarur hui

us badan kī rut havā-e-mehrbāñ le aa.ī hai

hai kahāñ kī baat dīvānī kahāñ le aa.ī hai

us badan ki rut hawa-e-mehrban le aai hai

hai kahan ki baat diwani kahan le aai hai

bichhḌe the to sākit palkeñ sūkhe peḌ kī shāḳheñ thiiñ

us se bichhaḌ kar duur chale to kosoñ tak sailāb rahā

bichhDe the to sakit palken sukhe peD ki shaKHen thin

us se bichhaD kar dur chale to koson tak sailab raha

kīsa-e-jāñ meñ tujhe dene ko ab kuchh bhī nahīñ

so du'ā-e-ḳhair letā jā Thahar ai ajnabī

kisa-e-jaan mein tujhe dene ko ab kuchh bhi nahin

so du'a-e-KHair leta ja Thahar ai ajnabi

muhsinoñ kī aañkh se kājal churā lete haiñ log

sochte kyā ho nazar rakkhā karo sāmān par

muhsinon ki aankh se kajal chura lete hain log

sochte kya ho nazar rakkha karo saman par

kar rahe haiñ zindagī meñ mā'naviyyat kī talāsh

ḳhvāb meñ Duubā huā tālāb sahrā aur maiñ

kar rahe hain zindagi mein ma'nawiyyat ki talash

KHwab mein Duba hua talab sahra aur main