tumhārī zaat havāla hai surḳh-rūī kā

tumhāre zikr ko sab shart-e-fan banāte haiñ

tumhaari zat hawala hai surKH-rui ka

tumhaare zikr ko sab shart-e-fan banate hain

tah kar chuke bisāt-e-ġham-o-fikr-e-rozgār

tab ḳhānqāh-e-ishq-o-mohabbat meñ aa.e haiñ

tah kar chuke bisat-e-gham-o-fikr-e-rozgar

tab KHanqah-e-ishq-o-mohabbat mein aae hain

tū aayā lauT aayā hai guzre dinoñ kā nuur

chehroñ pe apne varna to barsoñ kā zañg thā

tu aaya lauT aaya hai guzre dinon ka nur

chehron pe apne warna to barson ka zang tha

ye gard hai mirī āñkhoñ meñ kin zamānoñ kī

na.e libās bhī ab to purāne lagte haiñ

ye gard hai meri aankhon mein kin zamanon ki

nae libas bhi ab to purane lagte hain

merī duniyā isī duniyā meñ kahīñ rahtī hai

varna ye duniyā kahāñ husn-e-talab thī merā

meri duniya isi duniya mein kahin rahti hai

warna ye duniya kahan husn-e-talab thi mera

raushan alaao hote hī aayā tarañg meñ

vo qissa-go ḳhud apne meñ ik dāstān thā

raushan alao hote hi aaya tarang mein

wo qissa-go KHud apne mein ek dastan tha

makāñ ujaaḌ thā aur lā-makāñ kī ḳhvāhish thī

so apne aap se bāhar qayām kar liyā hai

makan ujaD tha aur la-makan ki KHwahish thi

so apne aap se bahar qayam kar liya hai

terī ḳhushbū tirā paikar hai mire sheroñ meñ

jaan yūñhī nahīñ ye tarz-e-misālī merā

teri KHushbu tera paikar hai mere sheron mein

jaan yunhi nahin ye tarz-e-misali mera

ḳhabar bhī hai tujhe is daftar-e-mohabbat ko

jalāne jalne meñ kyā kyā zamāne lagte haiñ

KHabar bhi hai tujhe is daftar-e-mohabbat ko

jalane jalne mein kya kya zamane lagte hain

merī barhana pusht thī koḌoñ se sabz o surḳh

gore badan pe us ke bhī niilā nishān thā

meri barhana pusht thi koDon se sabz o surKH

gore badan pe us ke bhi nila nishan tha

phir badan meñ thakan kī gard liye

phir lab-e-jū-e-bār haiñ ham log

phir badan mein thakan ki gard liye

phir lab-e-ju-e-bar hain hum log

ek jahān-e-lā-yānī ġharqāb huā

ek jahān-e-mānī kī tashkīl huī

ek jahan-e-la-yani gharqab hua

ek jahan-e-mani ki tashkil hui

lahū jigar kā huā sarf-e-rañg-e-dast-e-hinā

jo saudā sar meñ thā sahrā khañgālne meñ gayā

lahu jigar ka hua sarf-e-rang-e-dast-e-hina

jo sauda sar mein tha sahra khangalne mein gaya