lahū jigar kā huā sarf-e-rañg-e-dast-e-hinā

jo saudā sar meñ thā sahrā khañgālne meñ gayā

lahu jigar ka hua sarf-e-rang-e-dast-e-hina

jo sauda sar mein tha sahra khangalne mein gaya

makāñ ujaaḌ thā aur lā-makāñ kī ḳhvāhish thī

so apne aap se bāhar qayām kar liyā hai

makan ujaD tha aur la-makan ki KHwahish thi

so apne aap se bahar qayam kar liya hai

merī barhana pusht thī koḌoñ se sabz o surḳh

gore badan pe us ke bhī niilā nishān thā

meri barhana pusht thi koDon se sabz o surKH

gore badan pe us ke bhi nila nishan tha

raushan alaao hote hī aayā tarañg meñ

vo qissa-go ḳhud apne meñ ik dāstān thā

raushan alao hote hi aaya tarang mein

wo qissa-go KHud apne mein ek dastan tha

tū aayā lauT aayā hai guzre dinoñ kā nuur

chehroñ pe apne varna to barsoñ kā zañg thā

tu aaya lauT aaya hai guzre dinon ka nur

chehron pe apne warna to barson ka zang tha