Sher of Amn Iqbal
dil pe koī malāl kyā karnā
chīzeñ hotī haiñ TūTne ke liye
dil pe koi malal kya karna
chizen hoti hain TuTne ke liye
du'ā karo ki koī raah vasl kī nikle
tamām 'umr muhājir nahīñ raheñge ham
du'a karo ki koi rah wasl ki nikle
tamam 'umr muhajir nahin rahenge hum
log husn-o-adā ke qaidī haiñ
aur ham reḳhta ke qaidī haiñ
log husn-o-ada ke qaidi hain
aur hum reKHta ke qaidi hain
dekh kar tujh ko aaj barsī haiñ
ek muddat se ḳhushk thiiñ āñkheñ
dekh kar tujh ko aaj barsi hain
ek muddat se KHushk thin aankhen
dekhtā roz hai vo mujh ko magar jaane kyoñ
chāñd se apnī koī baat nahīñ hotī hai
dekhta roz hai wo mujh ko magar jaane kyon
chand se apni koi baat nahin hoti hai
un kī ḳhush-bū se mahaktī haiñ hazāroñ sadiyāñ
phuul jo rāh-e-mohabbat meñ bikhar jaate haiñ
un ki KHush-bu se mahakti hain hazaron sadiyan
phul jo rah-e-mohabbat mein bikhar jate hain
tere bas meñ hai mo'tabar kar de
maiñ huuñ qatra mujhe guhar kar de
tere bas mein hai mo'tabar kar de
main hun qatra mujhe guhar kar de
