ham se kaTtā nahīñ ġhamoñ kā pahāḌ

log kahte haiñ zindagī kam hai

hum se kaTta nahin ghamon ka pahaD

log kahte hain zindagi kam hai

sharm se Duub marne kā hai maqām

tere hote ḳhushī udaas haiñ ham

sharm se Dub marne ka hai maqam

tere hote KHushi udas hain hum

ab to ye bhī samajh se bāhar hai

kis kā dukh hai jo vāqa'ī dukh hai

ab to ye bhi samajh se bahar hai

kis ka dukh hai jo waqa'i dukh hai

hai in diyoñ kā muqaddar bhī beTiyoñ jaisā

kahāñ banā.e ga.e aur hue kahāñ raushan

hai in diyon ka muqaddar bhi beTiyon jaisa

kahan banae gae aur hue kahan raushan

ham ne is Dar se haath kaaT liye

saañp hote gar āstīñ hotī

hum ne is Dar se hath kaT liye

sanp hote gar aastin hoti

koī ummīd jab nahīñ hotī

hotī hai ek ḳhud-kushī ummīd

koi ummid jab nahin hoti

hoti hai ek KHud-kushi ummid

dā.imī dukh nahīñ hotā koī

zaḳhm kaise bhī ho bhar jaate haiñ

daimi dukh nahin hota koi

zaKHm kaise bhi ho bhar jate hain