sharm se Duub marne kā hai maqām

tere hote ḳhushī udaas haiñ ham

sharm se Dub marne ka hai maqam

tere hote KHushi udas hain hum

ham se kaTtā nahīñ ġhamoñ kā pahāḌ

log kahte haiñ zindagī kam hai

hum se kaTta nahin ghamon ka pahaD

log kahte hain zindagi kam hai

ab to ye bhī samajh se bāhar hai

kis kā dukh hai jo vāqa'ī dukh hai

ab to ye bhi samajh se bahar hai

kis ka dukh hai jo waqa'i dukh hai

hai in diyoñ kā muqaddar bhī beTiyoñ jaisā

kahāñ banā.e ga.e aur hue kahāñ raushan

hai in diyon ka muqaddar bhi beTiyon jaisa

kahan banae gae aur hue kahan raushan

koī ummīd jab nahīñ hotī

hotī hai ek ḳhud-kushī ummīd

koi ummid jab nahin hoti

hoti hai ek KHud-kushi ummid