Asrarul Haq Majaz's Photo'

Asrarul Haq Majaz

1911 - 1955 | Lucknow, India

One of the most famous Progressive poets known for romantic & revolutionary poetry. He was maternal Uncle to film lyricist Jawed Akhtar.

One of the most famous Progressive poets known for romantic & revolutionary poetry. He was maternal Uncle to film lyricist Jawed Akhtar.

shahr kii raat aur mai.n naashaad o naakaaraa phiruu.n jagmagaatii jaagtii sa.Dko.n pe aavaaraa phiruu.n Gair kii bastii hai kab tak dar-ba-dar maaraa phiruu.n ai Gam-e-dil kyaa karuu.n ai vahshat-e-dil kyaa karuu.n jhilmilaate qumqumo.n kii raah me.n zanjiir sii raat ke haatho.n me.n din kii mohnii tasviir sii mere siine par magar rakhii hu.ii shamshiir sii ai Gam-e-dil kyaa karuu.n ai vahshat-e-dil kyaa karuu.n ye rupahlii chhaa.nv ye aakaash par taaro.n kaa jaal jaise suufii kaa tasavvur jaise aashiq kaa KHayaal aah lekin kaun jaane kaun samjhe jii kaa haal ai Gam-e-dil kyaa karuu.n ai vahshat-e-dil kyaa karuu.n phir vo TuuTaa ik sitaara phir vo chhuuTii phul-ja.Dii jaane kis kii god me.n aa.ii ye motii kii la.Dii huuk sii siine me.n uTThii choT sii dil par pa.Dii ai Gam-e-dil kyaa karuu.n ai vahshat-e-dil kyaa karuu.n raat ha.ns ha.ns kar ye kahtii hai ki mai-KHaane me.n chal phir kisii shahnaaz-e-laala-ruKH ke kaashaane me.n chal ye nahii.n mumkin to phir ai dost viiraane me.n chal ai Gam-e-dil kyaa karuu.n ai vahshat-e-dil kyaa karuu.n har taraf bikhrii hu.ii ra.ngiiniyaa.n ra.anaa.iyaa.n har qadam par ishrate.n letii hu.ii a.ng.Daa.iyaa.n ba.Dh rahii hai.n god phailaa.e hu.e rusvaa.iyaa.n ai Gam-e-dil kyaa karuu.n ai vahshat-e-dil kyaa karuu.n raaste me.n ruk ke dam le luu.n mirii aadat nahii.n lauT kar vaapas chalaa jaa.uu.n mirii fitrat nahii.n aur ko.ii ham-navaa mil jaa.e ye qismat nahii.n ai Gam-e-dil kyaa karuu.n ai vahshat-e-dil kyaa karuu.n muntazir hai ek tuufaan-e-balaa mere liye ab bhii jaane kitne darvaaze hai.n vaa mere liye par musiibat hai miraa ahd-e-vafaa mere liye ai Gam-e-dil kyaa karuu.n ai vahshat-e-dil kyaa karuu.n jii me.n aataa hai ki ab ahd-e-vafaa bhii to.D duu.n un ko paa saktaa huu.n mai.n ye aasraa bhii to.D duu.n haa.n munaasib hai ye zanjiir-e-havaa bhii to.D duu.n ai Gam-e-dil kyaa karuu.n ai vahshat-e-dil kyaa karuu.n ik mahal kii aa.D se niklaa vo piilaa maahtaab jaise mullaa kaa amaama jaise baniye kii kitaab jaise muflis kii javaanii jaise beva kaa shabaab ai Gam-e-dil kyaa karuu.n ai vahshat-e-dil kyaa karuu.n dil me.n ik sho.ala bha.Dak uTThaa hai aaKHir kyaa karuu.n meraa paimaana chhalak uTThaa hai aaKHir kyaa karuu.n zaKHm siine kaa mahak uTThaa hai aaKHir kyaa karuu.n ai Gam-e-dil kyaa karuu.n ai vahshat-e-dil kyaa karuu.n jii me.n aataa hai ye murda chaa.nd taare noch luu.n is kinaare noch luu.n aur us kinaare noch luu.n ek do kaa zikr kyaa saare ke saare noch luu.n ai Gam-e-dil kyaa karuu.n ai vahshat-e-dil kyaa karuu.n muflisii aur ye mazaahir hai.n nazar ke saamne saik.Do.n sultaan-e-jaabir hai.n nazar ke saamne saik.Do.n cha.ngez o naadir hai.n nazar ke saamne ai Gam-e-dil kyaa karuu.n ai vahshat-e-dil kyaa karuu.n le ke ik cha.ngez ke haatho.n se KHanjar to.D duu.n taaj par us ke damaktaa hai jo patthar to.D duu.n ko.ii to.De yaa na to.De mai.n hii ba.Dh kar to.D duu.n ai Gam-e-dil kyaa karuu.n ai vahshat-e-dil kyaa karuu.n ba.Dh ke us indar sabhaa kaa saaz o saamaa.n phuu.nk duu.n us kaa gulshan phuu.nk duu.n us kaa shabistaa.n phuu.nk duu.n taKHt-e-sultaa.n kyaa mai.n saaraa qasr-e-sultaa.n phuu.nk duu.n ai Gam-e-dil kyaa karuu.n ai vahshat-e-dil kyaa karuu.n

aavaara

ye mere ishq kii majbuuriyaa.n ma.aaz-allaah tumhaaraa raaz tumhii.n se chhupaa rahaa huu.n mai.n

ye mere ishq kii majbuuriyaa.n ma.aaz-allaah

bahut mushkil hai duniyaa kaa sa.nvarnaa tirii zulfo.n kaa pech-o-KHam nahii.n hai

bahut mushkil hai duniyaa kaa sa.nvarnaa

kuchh tumhaarii nigaah kaafir thii kuchh mujhe bhii KHaraab honaa thaa

kuchh tumhaarii nigaah kaafir thii

ro.e.n na abhii ahl-e-nazar haal pe mere honaa hai abhii mujh ko KHaraab aur ziyaada

ro.e.n na abhii ahl-e-nazar haal pe mere

Rekhta

SEARCH NOW FROM 30,000+ GHAZALS, 20,000+ SHER, 40,000+ E-BOOKS AND A LOT MORE

QUICK-SUGGESTIONS BASED ON YOUR INPUT

VIEW ALL RESULTS

Added to your favorites

Removed from your favorites