Sher of Aziz Gawwasi
muskurānā bhī ek fan hai 'azīz'
sab ko aatā nahīñ zamāne meñ
muskurana bhi ek fan hai 'aziz'
sab ko aata nahin zamane mein
siyāh zulfoñ kī god meñ vo chamak rahā hai ruḳh-e-munavvar
ki ek sūraj ubhar rahā hai shab-e-shikasta kī tīrgī se
siyah zulfon ki god mein wo chamak raha hai ruKH-e-munawwar
ki ek suraj ubhar raha hai shab-e-shikasta ki tirgi se
jis kī āñkhoñ meñ nahīñ aañsū kī buuñd
us ke lab par kyā hañsī ko DhūñDhiye
jis ki aankhon mein nahin aansu ki bund
us ke lab par kya hansi ko DhunDhiye
us kā ġham pūchh sako to pūchho
jis ne marne kī masarrat chāhī
us ka gham puchh sako to puchho
jis ne marne ki masarrat chahi
ġham-e-hayāt kā ye kaun sā maqām aayā
ki apnī aah mujhe ajnabī sī lagtī hai
gham-e-hayat ka ye kaun sa maqam aaya
ki apni aah mujhe ajnabi si lagti hai
