dilā uThā.iye har tarah us kī chashm kā naaz

zamāna ba tū na-sāzad tū bā zamāna ba-sāz

dila uThaiye har tarah us ki chashm ka naz

zamana ba tu na-sazad tu ba zamana ba-saz

is bazm meñ pūchhe na koī mujh se ki kyā huuñ

jo shīsha gire sañg pe maiñ us kī sadā huuñ

is bazm mein puchhe na koi mujh se ki kya hun

jo shisha gire sang pe main us ki sada hun

ishq meñ bū hai kibriyā.ī kī

āshiqī jis ne kī ḳhudā.ī kī

ishq mein bu hai kibriyai ki

aashiqi jis ne ki KHudai ki

kal ke din jo gird mai-ḳhāne ke phirte the ḳharāb

aaj masjid meñ jo dekhā sāhab-e-sajjāda haiñ

kal ke din jo gird mai-KHane ke phirte the KHarab

aaj masjid mein jo dekha sahab-e-sajjada hain

ye riñd de ga.e luqma tujhe to uzr na maan

tirā to shaiḳh tanūr o shikam barābar hai

ye rind de gae luqma tujhe to uzr na man

tera to shaiKH tanur o shikam barabar hai