hāsil us mah-laqā kī diid nahīñ

eid hai aur ham ko eid nahīñ

hasil us mah-laqa ki did nahin

eid hai aur hum ko eid nahin

un kī hasrat bhī nahīñ maiñ bhī nahīñ dil bhī nahīñ

ab to 'beḳhud' hai ye aalam mirī tanhā.ī kā

un ki hasrat bhi nahin main bhi nahin dil bhi nahin

ab to 'beKHud' hai ye aalam meri tanhai ka

apnī ḳhū-e-vafā se Dartā huuñ

āshiqī bandagī na ho jaa.e

apni KHu-e-wafa se Darta hun

aashiqi bandagi na ho jae

kabhī hayā unheñ aa.ī kabhī ġhurūr aayā

hamāre kaam meñ sau sau tarah futūr aayā

kabhi haya unhen aai kabhi ghurur aaya

hamare kaam mein sau sau tarah futur aaya

na mudārāt hamārī na adū se nafrat

na vafā hī tumheñ aa.ī na jafā hī aa.ī

na mudaraat hamari na adu se nafrat

na wafa hi tumhein aai na jafa hi aai