noImage

Bekhud Badayuni

1857 - 1912

Prominent 19th century poet, disciple of Maulana Altaf Hussain Hali and Daagh Dehelvi

Prominent 19th century poet, disciple of Maulana Altaf Hussain Hali and Daagh Dehelvi

hāsil us mah-laqā diid nahīñ

eid hai aur ham ko eid nahīñ

hasil us mah-laqa ki did nahin

eid hai aur hum ko eid nahin

apnī ḳhū-e-vafā se Dartā huuñ

āshiqī bandagī na ho jaa.e

apni KHu-e-wafa se Darta hun

aashiqi bandagi na ho jae

kabhī hayā unheñ aa.ī kabhī ġhurūr aayā

hamāre kaam meñ sau sau tarah futūr aayā

kabhi haya unhen aai kabhi ghurur aaya

hamare kaam mein sau sau tarah futur aaya

aañsū mirī āñkhoñ meñ haiñ naale mire lab par

saudā mire sar meñ hai tamannā mire dil meñ

aansu meri aankhon mein hain nale mere lab par

sauda mere sar mein hai tamanna mere dil mein

baiThtā hai hamesha rindoñ meñ

kahīñ zāhid valī na ho jaa.e

baiThta hai hamesha rindon mein

kahin zahid wali na ho jae

na mudārāt hamārī na adū se nafrat

na vafā tumheñ aa.ī na jafā aa.ī

na mudaraat hamari na adu se nafrat

na wafa hi tumhein aai na jafa hi aai

vaa.iz o mohtasib jamghaT hai

mai-kada ab to mai-kada na rahā

waiz o mohtasib ka jamghaT hai

mai-kada ab to mai-kada na raha

dair-o-haram ko dekh liyā ḳhaak bhī nahīñ

bas ai talāsh-e-yār na dar-dar phirā mujhe

dair-o-haram ko dekh liya KHak bhi nahin

bas ai talash-e-yar na dar-dar phira mujhe

un hasrat bhī nahīñ maiñ bhī nahīñ dil bhī nahīñ

ab to 'beḳhud' hai ye aalam mirī tanhā.ī

un ki hasrat bhi nahin main bhi nahin dil bhi nahin

ab to 'beKHud' hai ye aalam meri tanhai ka

vo jo kar rahe haiñ bajā kar rahe haiñ

ye jo ho rahā hai bajā ho rahā hai

wo jo kar rahe hain baja kar rahe hain

ye jo ho raha hai baja ho raha hai

vo un vasl meñ ye kah ke muskurā denā

tulū-e-sub.h se pahle hameñ jagā denā

wo un ka wasl mein ye kah ke muskura dena

tulu-e-subh se pahle hamein jaga dena

shifā kyā ho nahīñ saktī hameñ lekin nahīñ hotī

davā kyā kar nahīñ sakte haiñ ham lekin nahīñ karte

shifa kya ho nahin sakti hamein lekin nahin hoti

dawa kya kar nahin sakte hain hum lekin nahin karte

gardish-e-baḳht se baḌhtī chalī jaatī haiñ

mirī dil-bastagiyāñ zulf-e-girah-gīr ke saath

gardish-e-baKHt se baDhti hi chali jati hain

meri dil-bastagiyan zulf-e-girah-gir ke sath

ḳhuun ho jaa.eñ ḳhaak meñ mil jaa.eñ

hazrat-e-dil se kuchh ba.iid nahīñ

KHun ho jaen KHak mein mil jaen

hazrat-e-dil se kuchh baid nahin

shikva sun kar jo mizāj-e-but-e-bad-ḳhū badlā

ham ne bhī saath taqrīr pahlū badlā

shikwa sun kar jo mizaj-e-but-e-bad-KHu badla

hum ne bhi sath hi taqrir ka pahlu badla