عجیب قید تھی جس میں بہت خوشی تھی مجھے

اب اشک تھمتے نہیں ہیں یہ کیا رہا ہوا میں

رس رہا ہے مدت سے کوئی پہلا غم مجھ میں

راستہ بناتا ہے آنسوؤں کا نم مجھ میں

عجیب ڈھنگ سے تقسیم کار کی اس نے

سو جس کو دل نہ دیا اس کو دل ربائی دی

الجھ رہا تھا ابھی خواب کی فصیل سے میں

کہ نارسائی نے اک شب مجھے رسائی دی

زمیں نئی تھی عناصر کی خو بدلتی تھی

ہوا سے پہلے جزیرے پہ دھوپ چلتی تھی

ہماری خاک تبرک سمجھ کے لے جاؤ

ہماری جان محبت کی لو میں جلتی تھی

ایک کانٹے کی کھٹک سے دل مرا آباد تھا

وہ گیا تو دل سے میرے درد کی راحت گئی

ایک حالت تھی مری اور ایک حالت دل کی تھی

میری حالت تو وہی ہے دل کی وہ حالت گئی

سنا ہے میں نے اذیت مزہ بھی دیتی ہے

سنا ہے دل کی خلش میں سکوں بھی ہوتا ہے