yahāñ to phuul bhī aapas meñ baat karte haiñ

tumhāre baaġh meñ bilkul havā kā shor nahīñ

yahan to phul bhi aapas mein baat karte hain

tumhaare bagh mein bilkul hawa ka shor nahin

milnā hai terī ruuh se ham ko badan baġhair

apnā libās-e-jism utāre hue haiñ ham

milna hai teri ruh se hum ko badan baghair

apna libas-e-jism utare hue hain hum

sar paTak kar dekhnā hai ek baar

'ishq ko patthar kahā thā 'mīr' ne

sar paTak kar dekhna hai ek bar

'ishq ko patthar kaha tha 'mir' ne

us musavvir ke hunar ko dekh kar

rang ḳhud meñ bhar liye tasvīr ne

us musawwir ke hunar ko dekh kar

rang KHud mein bhar liye taswir ne

us ke dil se nikle to ham ḳhud ke dil tak aa pahuñche

aanā jaanā hotā rahtā hai apnā vīrānoñ meñ

us ke dil se nikle to hum KHud ke dil tak aa pahunche

aana jaana hota rahta hai apna viranon mein