amīr-e-shahr kī mid.hat na likkhī jā.egī ham se

ki jo ḳhuddār haiñ vo kār-e-darbārī nahīñ karte

amir-e-shahr ki midhat na likkhi jaegi hum se

ki jo KHuddar hain wo kar-e-darbari nahin karte

rafīq-e-dil jo bane sach kī tarjumānī kare

mu'āshre ko is āvāz kī zarūrat hai

rafiq-e-dil jo bane sach ki tarjumani kare

mu'ashre ko is aawaz ki zarurat hai

sach kā pursān-e-hāl koī nahīñ

jhuuT kī har taraf himāyat hai

sach ka pursan-e-haal koi nahin

jhuT ki har taraf himayat hai

jab us ne tujh se mohabbat kā kar diyā iz.hār

to phir ye fāsla 'e'jāz' darmiyāñ kyuuñ hai

jab us ne tujh se mohabbat ka kar diya izhaar

to phir ye fasla 'e'jaz' darmiyan kyun hai

dekhī hai ra'ūnat bhī aur naam bhī dekhā hai

tārīḳh ne zālim kā anjām bhī dekhā hai

dekhi hai ra'unat bhi aur nam bhi dekha hai

tariKH ne zalim ka anjam bhi dekha hai

yāroñ kā tarz-e-hausla-afzā.ī dekhiye

tahsīn meñ hai tanz kā patthar chhupā huā

yaron ka tarz-e-hausla-afzai dekhiye

tahsin mein hai tanz ka patthar chhupa hua

tah-dārī-e-mā'nī hī na ho gar to ġhazal kyā

vo she'r bhī kyā jis meñ ishārat nahīñ miltī

tah-dari-e-ma'ni hi na ho gar to ghazal kya

wo she'r bhi kya jis mein ishaarat nahin milti

parcham-e-amn liye phirtā thā zāhir meñ jo haath

maiñ ne 'e'jāz' usī haath meñ ḳhanjar dekhā

parcham-e-amn liye phirta tha zahir mein jo hath

main ne 'e'jaz' usi hath mein KHanjar dekha

haiñ kuchh naqqād aise bhī ki jo tah tak nahīñ jaate

havāshī dekhte haiñ matn saarā chhoḌ dete haiñ

hain kuchh naqqad aise bhi ki jo tah tak nahin jate

hawashi dekhte hain matn sara chhoD dete hain

mausam kī be-ruḳhī kā ye kaisā asar huā

phūloñ kī narm shāḳh bhī talvār ho ga.ī

mausam ki be-ruKHi ka ye kaisa asar hua

phulon ki narm shaKH bhi talwar ho gai

sadāqat ke ta'alluq se qalam-kārī nahīñ karte

bahut se aa.ine bhī ā.ina-dārī nahīñ karte

sadaqat ke ta'alluq se qalam-kari nahin karte

bahut se aaine bhi aaina-dari nahin karte

koī bhī chehra yahāñ qābil-e-vasūq nahīñ

rafāqatoñ meñ bhī 'e'jāz' fāsla rakhiye

koi bhi chehra yahan qabil-e-wasuq nahin

rafaqaton mein bhi 'e'jaz' fasla rakhiye

lab pe hañsī kā phuul hai dil meñ charāġh-e-ġham

hai qahqahe meñ dard kā manzar chhupā huā

lab pe hansi ka phul hai dil mein charagh-e-gham

hai qahqahe mein dard ka manzar chhupa hua