is qadar āñkhoñ pe qābiz hai vo jaanā us kā

is taraf aatā dikhā.ī nahīñ detā kuchh bhī

is qadar aankhon pe qabiz hai wo jaana us ka

is taraf aata dikhai nahin deta kuchh bhi

ye bād-e-sabā ḳhushbū parindoñ kī sadā.eñ

har shai use khiḌkī pe bulāne ke liye hai

ye baad-e-saba KHushbu parindon ki sadaen

har shai use khiDki pe bulane ke liye hai

farq koī nahīñ ḳhalvat meñ ki mahfil meñ rahūñ

dard se mujh ko judā.ī nahīñ detā kuchh bhī

farq koi nahin KHalwat mein ki mahfil mein rahun

dard se mujh ko judai nahin deta kuchh bhi

ḳhāmoshī jab bhī zaa.e' ho jaatī thī

sahrā meñ jā kar chillāyā karte the

KHamoshi jab bhi zae' ho jati thi

sahra mein ja kar chillaya karte the

kuchh peḌ hare rahte haiñ patjhaḌ ho ki sāvan

chehre pe tabassum ye batāne ke liye hai

kuchh peD hare rahte hain patjhaD ho ki sawan

chehre pe tabassum ye batane ke liye hai

kaash ham mahsūs karte dukh un āñkhoñ kā kabhī

dekhtī rahtī haiñ jo har pal kisī kā rāstā

kash hum mahsus karte dukh un aankhon ka kabhi

dekhti rahti hain jo har pal kisi ka rasta

paañv se lipTā huā thā koī anhonī kā Dar

kitnā mushkil lag rahā thā do ghaḌī kā rāstā

panw se lipTa hua tha koi anhoni ka Dar

kitna mushkil lag raha tha do ghaDi ka rasta

ham mil kar sailāb banāte the pahle

phir ham donoñ naav banāyā karte the

hum mil kar sailab banate the pahle

phir hum donon naw banaya karte the