har kisī shaḳhs ke muāfiq hai

aisā lagtā hai tū munāfiq hai

har kisi shaKHs ke muafiq hai

aisa lagta hai tu munafiq hai

kitnī be-rang zindagī hai mirī

'ishq ke rang yaar bhar do nā

kitni be-rang zindagi hai meri

'ishq ke rang yar bhar do na

janm letī haiñ na.ī ḳhvāhisheñ jab bhī dil meñ

muflisī hai ki vahīñ haath pakaḌ letī hai

janm leti hain nai KHwahishen jab bhi dil mein

muflisi hai ki wahin hath pakaD leti hai

dil kā mire parinda tumhāre qafas meñ thā

jab tak tumhārā haath mirī dastaras meñ thā

dil ka mere parinda tumhaare qafas mein tha

jab tak tumhaara hath meri dastaras mein tha

hai in meñ kaisā jaadū boltī haiñ

tirī āñkheñ bhī urdu boltī haiñ

hai in mein kaisa jadu bolti hain

teri aankhen bhi urdu bolti hain