pāgal-pan meñ aa kar pāgal kuchh bhī to kar saktā hai

ḳhud ko izzat-dār samajhne vaale mujh se duur raheñ

pagal-pan mein aa kar pagal kuchh bhi to kar sakta hai

KHud ko izzat-dar samajhne wale mujh se dur rahen

dekhtā hai kaun 'bābar' kis kā kyā kirdār hai

jis se jo mansūb qissa ho gayā to ho gayā

dekhta hai kaun 'babar' kis ka kya kirdar hai

jis se jo mansub qissa ho gaya to ho gaya

mere andar bhī ḳhalā hai tere andar bhī ḳhalā

is ḳhalā se us ḳhalā tak hai fazā tanhā.ī kī

mere andar bhi KHala hai tere andar bhi KHala

is KHala se us KHala tak hai faza tanhai ki

tang hotā jā.egā duniyā kā tujh par dā.ira

jitnā apne aap meñ hassās hotā jā.egā

tang hota jaega duniya ka tujh par daira

jitna apne aap mein hassas hota jaega

ik ḳhvāb huuñ lekin mujhe hasrat meñ badal kar

āñkhoñ meñ nahīñ dil meñ jagah dī hai kisī ne

ek KHwab hun lekin mujhe hasrat mein badal kar

aankhon mein nahin dil mein jagah di hai kisi ne

maiñ ḳhudā huuñ na kabhī mujh ko ḳhudā banñā hai

mujh meñ vahdat kī kamī hai to kamī rahne do

main KHuda hun na kabhi mujh ko KHuda banna hai

mujh mein wahdat ki kami hai to kami rahne do

jagah jagah the bhañvar 'ishq ke samundar meñ

vo ḳhud bhī Duub gayā thā mujhe bachāte hue

jagah jagah the bhanwar 'ishq ke samundar mein

wo KHud bhi Dub gaya tha mujhe bachate hue

har musāfir ko kab milī manzil

har musāfir pe kab ġhubār khulā

har musafir ko kab mili manzil

har musafir pe kab ghubar khula

raaz mujh par khul gayā hai ḳhāliq-o-maḳhlūq kā

maiñ pukāre jā rahā huuñ aur ḳhudā ḳhāmosh hai

raaz mujh par khul gaya hai KHaliq-o-maKHluq ka

main pukare ja raha hun aur KHuda KHamosh hai

pāsbānī karte karte us kī āñkheñ bujh ga.iiñ

'umr bhar jo ḳhvāhish-e-tā'mīr-e-dar kartā rahā

pasbani karte karte us ki aankhen bujh gain

'umr bhar jo KHwahish-e-ta'mir-e-dar karta raha

muntaqil hotā hai lekin vo kabhī martā nahīñ

jo sadā-e-kun se paidā ho gayā to ho gayā

muntaqil hota hai lekin wo kabhi marta nahin

jo sada-e-kun se paida ho gaya to ho gaya

ġhazal kī nit na.e andāz se taz.īn kartā huuñ

suḳhan-duniyā meñ 'ġhālib' kī tarah kā jiddatī huuñ maiñ

ghazal ki nit nae andaz se tazin karta hun

suKHan-duniya mein 'ghaalib' ki tarah ka jiddati hun main

ye vaah vaah kī āvāz se khulā 'bābar'

suḳhan-vuḳhan hai tasallī hunar-vunar hai fareb

ye wah wah ki aawaz se khula 'babar'

suKHan-wuKHan hai tasalli hunar-wunar hai fareb