Farrukh Jafari's Photo'

Farrukh Jafari

1941 | Allahabad, India

mas.ala ye hai ki us ke dil meñ ghar kaise kareñ

darmiyāñ ke fāsle tai safar kaise kareñ

masala ye hai ki us ke dil mein ghar kaise karen

darmiyan ke fasle ka tai safar kaise karen

koī Thahartā nahīñ yuuñ to vaqt ke aage

magar vo zaḳhm ki jis nishāñ nahīñ jaatā

koi Thaharta nahin yun to waqt ke aage

magar wo zaKHm ki jis ka nishan nahin jata

jism ke andar jo sūraj tap rahā hai

ḳhuun ban jaa.e to phir ThanDā kareñge

jism ke andar jo suraj tap raha hai

KHun ban jae to phir ThanDa karenge

the us ke haath lahū meñ hamāre ġharq magar

zarā bhī sharm na aa.ī use mukarte hue

the us ke hath lahu mein hamare gharq magar

zara bhi sharm na aai use mukarte hue

har roz dikhā.ī deñ sab log vahīñ lekin

jab DhūñDne nikleñ to miltā nahīñ koī

har roz dikhai den sab log wahin lekin

jab DhunDne niklen to milta hi nahin koi

hijāb us ke mire biich agar nahīñ koī

to kyuuñ ye fāsla-e-darmiyāñ nahīñ jaatā

hijab us ke mere bich agar nahin koi

to kyun ye fasla-e-darmiyan nahin jata

ye aur baat ki vo tishna-e-javāb rahā

savāl us magar gūñjtā fazā meñ thā

ye aur baat ki wo tishna-e-jawab raha

sawal us ka magar gunjta faza mein tha