Sher of Fatima Mohtashim
yuuñ hī ābād vīrāne mire din raat kartī hai
tumhārī ḳhāmushī mujh se tumhārī baat kartī hai
yun hi aabaad virane mere din raat karti hai
tumhaari KHamushi mujh se tumhaari baat karti hai
mazmūn terā jab se juḌā hai nisāb se
dilchaspī baḌh ga.ī hai hamārī kitāb se
mazmun tera jab se juDa hai nisab se
dilchaspi baDh gai hai hamari kitab se
itnā nazroñ se girā hai koī
us ko dekhūñ to hañsī aatī hai
itna nazron se gira hai koi
us ko dekhun to hansi aati hai
kitne aañsū chhupā liye ham ne
ik tire saath muskurāne ko
kitne aansu chhupa liye hum ne
ek tere sath muskurane ko
maiñ ne mohabbatoñ ke hisāb-o-kitāb meñ
vo qarz bhī chukāyā jo tum par udhār thā
main ne mohabbaton ke hisab-o-kitab mein
wo qarz bhi chukaya jo tum par udhaar tha
ab us ke sivā ġham kī koī baat nahīñ hai
vo saath hī rahtā hai magar saath nahīñ hai
ab us ke siwa gham ki koi baat nahin hai
wo sath hi rahta hai magar sath nahin hai
aaj dariyā meñ bhī jaise sāmnā sahrā kā thā
kashtiyāñ paanī kī thiiñ aur nā-ḳhudā sahrā kā thā
aaj dariya mein bhi jaise samna sahra ka tha
kashtiyan pani ki thin aur na-KHuda sahra ka tha
