kahte haiñ eid hai aaj apnī bhī eid hotī

ham ko agar mayassar jānāñ kī diid hotī

kahte hain eid hai aaj apni bhi eid hoti

hum ko agar mayassar jaanan ki did hoti

dard ulfat kā na ho to zindagī kā kyā mazā

āh-o-zārī zindagī hai be-qarārī zindagī

dard ulfat ka na ho to zindagi ka kya maza

aah-o-zari zindagi hai be-qarari zindagi

aah! kal tak vo navāzish! aaj itnī be-ruḳhī

kuchh to nisbat chāhiye anjām ko āġhāz se

aah! kal tak wo nawazish! aaj itni be-ruKHi

kuchh to nisbat chahiye anjam ko aaghaz se

mere pahlū meñ tum aao ye kahāñ mere nasīb

ye bhī kyā kam hai tasavvur meñ to aa jaate ho

mere pahlu mein tum aao ye kahan mere nasib

ye bhi kya kam hai tasawwur mein to aa jate ho

naaz ne phir kiyā āġhāz vo andāz-e-niyāz

husn-e-jāñ-soz ko phir soz kā da.avā hai vahī

naz ne phir kiya aaghaz wo andaz-e-niyaz

husn-e-jaan-soz ko phir soz ka dawa hai wahi

mahv-e-dīd-e-chaman-e-shauq hai phir dīda-e-shauq

gul-e-shādāb vahī bulbul-e-shaidā hai vahī

mahw-e-did-e-chaman-e-shauq hai phir dida-e-shauq

gul-e-shadab wahi bulbul-e-shaida hai wahi

dāna-o-dām sambhālā mire sayyād ne phir

apnī gardan hai vahī ishq kā phandā hai vahī

dana-o-dam sambhaala mere sayyaad ne phir

apni gardan hai wahi ishq ka phanda hai wahi