noImage

Habeeb Moosavi

213
Favorite

SORT BY

dil liyā hai to ḳhudā ke liye kah do sāhab

muskurāte ho tumhīñ par mirā shak jaatā hai

dil liya hai to KHuda ke liye kah do sahab

muskuraate ho tumhin par mera shak jata hai

mai-kada hai shaiḳh sāhab ye koī masjid nahīñ

aap shāyad aa.e haiñ rindoñ ke bahkā.e hue

mai-kada hai shaiKH sahab ye koi masjid nahin

aap shayad aae hain rindon ke bahkae hue

guloñ daur hai bulbul maze bahār meñ luuT

ḳhizāñ machāegī aate is dayār meñ luuT

gulon ka daur hai bulbul maze bahaar mein luT

KHizan machaegi aate hi is dayar mein luT

rindoñ ko va.az pand na kar fasl-e-gul meñ shaiḳh

aisā na ho sharāb uḌe ḳhānqāh meñ

rindon ko waz pand na kar fasl-e-gul mein shaiKH

aisa na ho sharab uDe KHanqah mein

qadmoñ pe Dar ke rakh diyā sar taaki uTh na jaa.eñ

nārāz dil-lagī meñ jo vo ik zarā hue

qadmon pe Dar ke rakh diya sar taki uTh na jaen

naraaz dil-lagi mein jo wo ek zara hue

mai-kade ko ke dekh aa.uuñ ye hasrat dil meñ hai

zāhid us miTTī ulfat merī āb-o-gil meñ hai

mai-kade ko ja ke dekh aaun ye hasrat dil mein hai

zahid us miTTi ki ulfat meri aab-o-gil mein hai

jo le lete ho yuuñ har ek dil bātoñ bātoñ meñ

batāo sach ye chālākī tumheñ kis ne sikhā.ī thī

jo le lete ho yun har ek ka dil baaton baaton mein

batao sach ye chaalaki tumhein kis ne sikhai thi

sake na masjid tak jam.a the bahut zāhid

mai-kade meñ aa baiThe jab na rāstā paayā

ja sake na masjid tak jama the bahut zahid

mai-kade mein aa baiThe jab na rasta paya

lab-e-jāñ-baḳhsh tak kar rahe mahrūm bosa se

ham is paanī ke pyāse the jo taḌpātā hai sāhil par

lab-e-jaan-baKHsh tak ja kar rahe mahrum bosa se

hum is pani ke pyase the jo taDpata hai sahil par

bahut dinoñ meñ vo aa.e haiñ vasl shab hai

mo.azzin aaj na yārab uThe azaañ ke liye

bahut dinon mein wo aae hain wasl ki shab hai

moazzin aaj na yarab uThe azan ke liye

ye sābit hai ki mutlaq ta.ayyun ho nahīñ saktā

vo sālik nahīñ jo chal ke tā-dair-o-haram Thahre

ye sabit hai ki mutlaq ka tayyun ho nahin sakta

wo salik hi nahin jo chal ke ta-dair-o-haram Thahre

karo bāteñ haTāo aa.ina bas ban chuke gesū

inhīñ jhagḌoñ meñ us din bhī kitnī raat aa.ī thī

karo baaten haTao aaina bas ban chuke gesu

inhin jhagDon hi mein us din bhi kitni raat aai thi

zabāñ par tirā naam jab aa gayā

to girte ko dekhā sambhalte hue

zaban par tera nam jab aa gaya

to girte ko dekha sambhalte hue

chāñdnī chhuptī hai takyoñ ke tale āñkhoñ meñ ḳhvāb

sone meñ un dupaTTa jo sarak jaatā hai

chandni chhupti hai takyon ke tale aankhon mein KHwab

sone mein un ka dupaTTa jo sarak jata hai

asal sābit hai vahī shar.a ik parda hai

daane tasbīh ke sab phirte haiñ zunnāroñ par

asal sabit hai wahi shara ka ek parda hai

dane tasbih ke sab phirte hain zunnaron par

dil meñ bharī hai ḳhaak meñ milne aarzū

ḳhākistarī huā hai hamārī qabā rañg

dil mein bhari hai KHak mein milne ki aarzu

KHakistari hua hai hamari qaba ka rang

thoḌī thoḌī raah meñ leñge gar kam hai to kyā

duur hai mai-ḳhāna ye zād-e-safar shīshe meñ hai

thoDi thoDi rah mein pi lenge gar kam hai to kya

dur hai mai-KHana ye zad-e-safar shishe mein hai

sham.a shāna-e-iqbāl hai taufīq-e-karam

ġhuncha gul hote ḳhud sāhab-e-zar hotā hai

shama ka shana-e-iqbaal hai taufiq-e-karam

ghuncha gul hote hi KHud sahab-e-zar hota hai

tālib-e-bosa huuñ maiñ qāsid vo haiñ ḳhvāhān-e-jān

ye zarā baat hai milte tai ho jā.egī

talib-e-bosa hun main qasid wo hain KHwahan-e-jaan

ye zara si baat hai milte hi tai ho jaegi

ḳhudā kare kahīñ mai-ḳhāne taraf na muḌe

vo mohtasib savārī fareb-e-rāh rukī

KHuda kare kahin mai-KHane ki taraf na muDe

wo mohtasib ki sawari fareb-e-rah ruki

kisī sūrat se huī kam na hamārī tashvīsh

jab baḌhī dil se to āfāq meñ phailī tashvīsh

kisi surat se hui kam na hamari tashwish

jab baDhi dil se to aafaq mein phaili tashwish

tezī-e-bāda kujā talḳhī-e-guftār kujā

kund hai nashtar-e-sāqī se sinān-e-vā.iz

tezi-e-baada kuja talKHi-e-guftar kuja

kund hai nashtar-e-saqi se sinan-e-waiz

fasl-e-gul aa.ī uThā abr chalī sard huā

sū-e-mai-ḳhāna akaḌte hue mai-ḳhvār chale

fasl-e-gul aai uTha abr chali sard hua

su-e-mai-KHana akaDte hue mai-KHwar chale

tīra-baḳhtī balā se yuuñ nikalnā chāhiye

jis tarah suljhā ke zulfoñ ko alag shāna huā

tira-baKHti ki bala se yun nikalna chahiye

jis tarah suljha ke zulfon ko alag shana hua

jab ki vahdat hai bā.is-e-kasrat

ek hai sab rāstā vaa.iz

jab ki wahdat hai bais-e-kasrat

ek hai sab ka rasta waiz

dasht-o-sahrā meñ hasīñ phirte haiñ ghabrā.e hue

āj-kal ḳhāna-e-ummīd hai vīrāñ kis

dasht-o-sahra mein hasin phirte hain ghabrae hue

aaj-kal KHana-e-ummid hai viran kis ka

pilā saaqī mai-e-gul-rañg phir kaalī ghaTā aa.ī

chhupāne ko gunah mastoñ ke ka.abe ridā aa.ī

pila saqi mai-e-gul-rang phir kali ghaTa aai

chhupane ko gunah maston ke kabe ki rida aai

butān-e-sarv-qāmat mohabbat meñ na phal paayā

riyāzat jin pe barsoñ vo naḳhl-e-be-samar nikle

butan-e-sarw-qamat ki mohabbat mein na phal paya

riyazat jin pe ki barson wo naKHl-e-be-samar nikle

ġhurbat bas ab tarīq-e-mohabbat ko qat.a kar

muddat huī hai ahl-e-vatan se judā hue

ghurbat bas ab tariq-e-mohabbat ko qata kar

muddat hui hai ahl-e-watan se juda hue

likh kar muqatta.āt meñ diiñ un ko arziyāñ

jo dā.ere the kāsa-e-dast-e-gadā hue

likh kar muqattaat mein din un ko arziyan

jo daere the kasa-e-dast-e-gada hue

terā kūcha hai vo ai but ki hazāroñ zāhid

Daal ke sub.ha meñ yaañ rishta-e-zunnār chale

tera kucha hai wo ai but ki hazaron zahid

Dal ke subha mein yan rishta-e-zunnar chale

hazrat-e-vā.iz na aisā vaqt haath aa.egā phir

sab haiñ be-ḳhud tum bhī lo kuchh agar shīshe meñ hai

hazrat-e-waiz na aisa waqt hath aaega phir

sab hain be-KHud tum bhi pi lo kuchh agar shishe mein hai

kasī haiñ bhabtiyāñ masjid meñ rīsh-e-vā.iz par

kahīñ na merī tabī.at ḳhudā gavāh rukī

kasi hain bhabtiyan masjid mein rish-e-waiz par

kahin na meri tabiat KHuda gawah ruki

barahman shaiḳh ko kar de nigāh-e-nāz us but

gulū-e-zohd meñ tār-e-nazar zunnār ban jaa.e

barahman shaiKH ko kar de nigah-e-naz us but ki

gulu-e-zohd mein tar-e-nazar zunnar ban jae

nāseh ye va.az-o-pand hai bekār jā.egā

ham se bhī bāda-kash haiñ kahīñ pārsā hue

naseh ye waz-o-pand hai bekar jaega

hum se bhi baada-kash hain kahin parsa hue

yuuñ aatī haiñ ab mere tanaffus sadā.eñ

jis tarah se detā hai koī nauhagar āvāz

yun aati hain ab mere tanaffus ki sadaen

jis tarah se deta hai koi nauhagar aawaz

kyā huā vīrāñ kiyā gar mohtasib ne mai-kada

jam.a phir kal shaam tak har ek shai ho jā.egī

kya hua viran kiya gar mohtasib ne mai-kada

jama phir kal sham tak har ek shai ho jaegi

mohtasib ne kiyā gar jām-e-sahbā paash paash

jubba-o-ammāma ham kar deñge saarā paash paash

mohtasib tu ne kiya gar jam-e-sahba pash pash

jubba-o-ammama hum kar denge sara pash pash