ab kyuuñ gila rahegā mujhe hijr-e-yār kā

be-tābiyoñ se lutf uThāne lagā huuñ maiñ

ab kyun gila rahega mujhe hijr-e-yar ka

be-tabiyon se lutf uThane laga hun main

bedard mujh se sharh-e-ġham-e-zindagī na pūchh

kaafī hai is qadar ki jiye jā rahā huuñ maiñ

bedard mujh se sharh-e-gham-e-zindagi na puchh

kafi hai is qadar ki jiye ja raha hun main

ġham-e-dil ab kisī ke bas kā nahīñ

kyā davā kyā duā kare koī

gham-e-dil ab kisi ke bas ka nahin

kya dawa kya dua kare koi

us ne is andāz se dekhā mujhe

zindagī bhar kā gila jaatā rahā

us ne is andaz se dekha mujhe

zindagi bhar ka gila jata raha

vo pūchhte haiñ dil-e-mubtalā kā haal aur ham

javāb meñ faqat aañsū bahā.e jaate haiñ

wo puchhte hain dil-e-mubtala ka haal aur hum

jawab mein faqat aansu bahae jate hain