anā anā ke muqābil hai raah kaise khule

ta.alluqāt meñ haa.il hai baat kī dīvār

ana ana ke muqabil hai rah kaise khule

talluqat mein hail hai baat ki diwar

apne kāñdhoñ pe liye phirtā huuñ apnī hī salīb

ḳhud mirī maut kā mātam hai mire jiine meñ

apne kandhon pe liye phirta hun apni hi salib

KHud meri maut ka matam hai mere jine mein

koī bhī rut ho milī hai dukhoñ kī fasl hameñ

jo mausam aayā hai us ke itaab dekhe haiñ

koi bhi rut ho mili hai dukhon ki fasl hamein

jo mausam aaya hai us ke itab dekhe hain

mile vo lamha jise apnā kah sakeñ 'kaifī'

guzar rahe haiñ isī justujū meñ māh-o-sāl

mile wo lamha jise apna kah saken 'kaifi'

guzar rahe hain isi justuju mein mah-o-sal

tamām aalam se moḌ kar muñh maiñ apne andar samā gayā huuñ

mujhe na āvāz de zamāne maiñ apnī āvāz sun rahā huuñ

tamam aalam se moD kar munh main apne andar sama gaya hun

mujhe na aawaz de zamane main apni aawaz sun raha hun