dil kī dahlīz pe jab shaam kā saaya utrā

ufuq-e-dard se siine meñ ujālā utrā

dil ki dahliz pe jab sham ka saya utra

ufuq-e-dard se sine mein ujala utra

ashkoñ meñ piro ke us kī yādeñ

paanī pe kitāb likh rahā huuñ

ashkon mein piro ke us ki yaaden

pani pe kitab likh raha hun

kuchh na kuchh to hotā hai ik tire na hone se

varna aisī bātoñ par kaun haath maltā hai

kuchh na kuchh to hota hai ek tere na hone se

warna aisi baaton par kaun hath malta hai

sab ummīdeñ mire āshob-e-tamannā tak thiiñ

bastiyāñ ho ga.iiñ ġharqāb to dariyā utrā

sab ummiden mere aashob-e-tamanna tak thin

bastiyan ho gain gharqab to dariya utra

yād-e-yārāñ dil meñ aa.ī huuk ban kar rah ga.ī

jaise ik zaḳhmī parinda jis ke par TuuTe hue

yaad-e-yaran dil mein aai huk ban kar rah gai

jaise ek zaKHmi parinda jis ke par TuTe hue

ai ḳhudā insān kī taqsīm-dar-taqsīm dekh

pārsāoñ devtāoñ qātiloñ ke darmiyāñ

ai KHuda insan ki taqsim-dar-taqsim dekh

parsaon dewtaon qatilon ke darmiyan

tishna-kāmoñ ko yahāñ kaun subū detā hai

gul ko bhī haath lagāo to lahū detā hai

tishna-kaamon ko yahan kaun subu deta hai

gul ko bhi hath lagao to lahu deta hai

shahr-e-nā-pursāñ meñ kuchh apnā pata miltā nahīñ

bām-o-dar raushan haiñ lekin rāsta miltā nahīñ

shahr-e-na-pursan mein kuchh apna pata milta nahin

baam-o-dar raushan hain lekin rasta milta nahin

duniyā kahāñ thī pās-e-virāsat ke zimn meñ

ik diin thā so us pe luTā.e hue to haiñ

duniya kahan thi pas-e-wirasat ke zimn mein

ek din tha so us pe luTae hue to hain