Ibraheem Hosh's Photo'

ابراہیم ہوش

1918 - 1988 | کولکاتا, ہندوستان

تخلص : 'ہوش'

اصلی نام : محمد ابراہیم

پیدائش : 06 May 1918 | کولکاتا, ہندوستان

وفات : 14 Aug 1988 | کولکاتا, ہندوستان

آج زنداں میں اسے بھی لے گئے

جو کبھی اک لفظ تک بولا نہیں

ابراہیم ہوش ممتاز ترقی پسند شاعر اور صحافی کی حیثیت سے معروف ہیں۔ 6 مئی 1918 کو کاشی پور کلکتہ میں پیدا ہوئے۔ ابتدائی تعلیم مدرسہ معین الاسلام کاشی پور کلکتہ سے حاصل کی ۔ 1936 میں اسلامیہ کالج کلکتہ سے انٹرنس کا امتحان پاس کیا۔ نامساعد حالات کے سبب تعلیمی سلسلہ منقطع کرکے صحافت کے پیشے سے وابستہ ہوگئے اور زندگی بھر صحافت ہی سے معاش حاصل کیا۔
ہوش صرف نظریاتی ہی نہیں بلکہ عملی طور پر بھی ترقی پسند تھے۔ وہ مزدوروں اور محنت کشوں پر سرمایہ دارانہ نظام کی جبریت کے خلاف ہمیشہ احتجاج کرتے رہے۔ ان کی شاعری اسی احتجاج کی ایک شکل تھی۔ انہوں نے کسی اخبار یارسالے کو اشاعت کے لئے کبھی اپنا کلام نہیں بھیجا اور نہ ہی اپنی زندگی میں کوئی مجموعہ شائع کیا۔ 17 اگست  1988 میں انتقال ہوا۔