zehn o dil ke fāsle the ham jinheñ sahte rahe

ek hī ghar meñ bahut se ajnabī rahte rahe

zehn o dil ke fasle the hum jinhen sahte rahe

ek hi ghar mein bahut se ajnabi rahte rahe

patthar ke jism mom ke chehre dhuāñ dhuāñ

kis shahr meñ uḌā ke havā le ga.ī mujhe

patthar ke jism mom ke chehre dhuan dhuan

kis shahr mein uDa ke hawa le gai mujhe

vo mil gayā to bichhaḌnā paḌegā phir 'zarrīñ'

isī ḳhayāl se ham rāste badalte rahe

wo mil gaya to bichhaDna paDega phir 'zarrin'

isi KHayal se hum raste badalte rahe

dekh kar insān kī bechārgī

shaam se pahle parinde so ga.e

dekh kar insan ki bechaargi

sham se pahle parinde so gae

vo mujh ko bhuul chukā ab yaqīn hai varna

vafā nahīñ to jafāoñ kā silsila rakhtā

wo mujh ko bhul chuka ab yaqin hai warna

wafa nahin to jafaon ka silsila rakhta

agar vo chāñd kī bastī kā rahne vaalā thā

to apne saath sitāroñ kā qāfila rakhtā

agar wo chand ki basti ka rahne wala tha

to apne sath sitaron ka qafila rakhta

kaun pahchānegā 'zarrīñ' mujh ko itnī bhiiḌ meñ

mere chehre se vo apnī har nishānī le gayā

kaun pahchanega 'zarrin' mujh ko itni bhiD mein

mere chehre se wo apni har nishani le gaya