دکھ اداسی ملال غم کے سوا

اور بھی ہے کوئی مکان میں کیا

ساون کی اس رم جھم میں

بھیگ رہا ہے تنہا چاند

جس کا ڈر تھا وہی ہوا یارو

وہ فقط ہم سے ہی خفا نکلا

بڑی مشکل سے بہلایا تھا خود کو

اچانک یاد تیری آ گئی پھر

کتنا پیارا لگتا ہے

ہوتا ہے جب پورا چاند

چھوڑ کے مجھ کو کیا گیا وہ شخص

تب سے سب کچھ ہی لٹ گیا میرا

اک عجب شور بپا ہے اندر

پھر سے دل ٹوٹ رہا ہے شاید

اور تو کوئی تھا نہیں شاید

رات کو اٹھ کے میں ہی چیخا تھا

کیا خبر کیا خطا مری تھی کہ جو

مجھ سے روٹھا رہا خدا میرا

جو ملا توڑتا گیا اس کو

دل لگا تھا مرا ہزاروں سے

کچھ ہوا کا بھی ہاتھ تھا ورنہ

پردہ یوں ہی ہلا نہیں ہوتا

رازداں ہوتے ہیں وہ گھر اکثر

جن گھروں میں دھواں نہیں ہوتا

اب کسی کام کے نہیں یہ رہے

دل وفا عشق اور تنہائی

دل کے خوں سے بھی سینچ کر دیکھا

پیڑ کیوں یہ ہرا نہیں ہوتا

خوب تھی اب مگر بدل سی گئی

تیرے اس شہر کی یہ تنہائی

کیا خبر کب برس کے ٹوٹ پڑے

ہر طرف ایسی ہے گھٹا چھائی

سدا ہر بار دہرایا گیا ہوں

میں نغمے کی طرح گایا گیا ہوں

بس وہی میری آخری شب تھی

چاند جس رات مجھ سے روٹھا تھا

ابھی تو موسم خزاں ہے یہ

کھلیں گے پھول بھی بہار کے ساتھ

آخری عمر تک رہے گی یاد

رات میں ساتھ جس کے بھیگا تھا

خواہشیں بھی ضروری ہیں لیکن

زندگی خواہشوں کی دشمن ہے

کوئی تحفہ نہ ہار چاہتا ہوں

میں فقط تیرا پیار چاہتا ہوں

فقط چند رسوائیوں کے سوا اور

ترے شہر میں میری کیا آبرو ہے

ہمارے درمیاں اب کچھ نہیں ہے

مگر پھر بھی چھپانا چاہتا ہوں

لوگ اکثر یہی بتاتے ہیں

میں جہاں ہوں وہاں نہیں ہوتا

وہ مزہ اب کہاں رہا یارو

لیا تھا جو مزہ جوانی میں

آنکھیں ملتا روتا چاند

دیکھو پھر سے نکلا چاند

انا رہتی تھی پہلے پہل لیکن

ہمارے درمیاں اب کچھ نہیں ہے