Iqbal Ashhar's Photo'

Iqbal Ashhar

1965 | Delhi, India

One of the most outstanding popular poets, having regular presence at mushairas.

One of the most outstanding popular poets, having regular presence at mushairas.

vo kisī ko yaad kar ke muskurāyā thā udhar

aur maiñ nādān ye samjhā ki vo merā huā

wo kisi ko yaad kar ke muskuraya tha udhar

aur main nadan ye samjha ki wo mera hua

aaj phir niiñd ko āñkhoñ se bichhaḌte dekhā

aaj phir yaad koī choT purānī aa.ī

aaj phir nind ko aankhon se bichhaDte dekha

aaj phir yaad koi choT purani aai

muddatoñ ba.ad mayassar huā maañ āñchal

muddatoñ ba.ad hameñ niiñd suhānī aa.ī

muddaton baad mayassar hua man ka aanchal

muddaton baad hamein nind suhani aai

vahī to markazī kirdār hai kahānī

usī pe ḳhatm hai tāsīr bevafā.ī

wahi to markazi kirdar hai kahani ka

usi pe KHatm hai tasir bewafai ki

sochtā huuñ tirī tasvīr dikhā duuñ us ko

raushnī ne kabhī saaya nahīñ dekhā apnā

sochta hun teri taswir dikha dun us ko

raushni ne kabhi saya nahin dekha apna

na jaane kitne charāġhoñ ko mil ga.ī shohrat

ik āftāb ke be-vaqt Duub jaane se

na jaane kitne charaghon ko mil gai shohrat

ek aaftab ke be-waqt Dub jaane se

Thahrī Thahrī tabī.at meñ ravānī aa.ī

aaj phir yaad mohabbat kahānī aa.ī

Thahri Thahri si tabiat mein rawani aai

aaj phir yaad mohabbat ki kahani aai

pyaas dariyā nigāhoñ se chhupā rakkhī hai

ek bādal se baḌī aas lagā rakkhī hai

pyas dariya ki nigahon se chhupa rakkhi hai

ek baadal se baDi aas laga rakkhi hai

le ga.iiñ duur bahut duur havā.eñ jis ko

vahī bādal thā mirī pyaas bujhāne vaalā

le gain dur bahut dur hawaen jis ko

wahi baadal tha meri pyas bujhane wala

kisī ko kho ke liyā kisī ko ke kho diyā

na intihā ḳhushī hai na intihā malāl

kisi ko kho ke pa liya kisi ko pa ke kho diya

na intiha KHushi ki hai na intiha malal ki

terī bātoñ ko chhupānā nahīñ aatā mujh se

ne ḳhushbū mire lahje meñ basā rakkhī hai

teri baaton ko chhupana nahin aata mujh se

tu ne KHushbu mere lahje mein basa rakkhi hai

sabhī apne nazar aate haiñ ba-zāhir lekin

rūThne vaalā hai koī na manāne vaalā

sabhi apne nazar aate hain ba-zahir lekin

ruThne wala hai koi na manane wala

aarzū hai sūraj ko aa.ina dikhāne

raushnī sohbat meñ ek din guzārā hai

aarzu hai suraj ko aaina dikhane ki

raushni ki sohbat mein ek din guzara hai

satāyā aaj munāsib jagah pe bārish ne

isī bahāne Thahar jaa.eñ us ghar hai yahāñ

sataya aaj munasib jagah pe barish ne

isi bahane Thahar jaen us ka ghar hai yahan

tere kirdār ko itnā to sharaf hāsil hai

nahīñ thā to kahānī meñ haqīqat kam thī

tere kirdar ko itna to sharaf hasil hai

tu nahin tha to kahani mein haqiqat kam thi

suno samundar shoḳh lahro havā.eñ Thahrī haiñ tum bhī Thahro

vo duur sāhil pe ek bachcha abhī gharauñde banā rahā hai

suno samundar ki shoKH lahro hawaen Thahri hain tum bhi Thahro

wo dur sahil pe ek bachcha abhi gharaunde bana raha hai

phir tirā zikr kiyā bād-e-sabā ne mujh se

phir mire dil ko dhaḌakne ke bahāne aa.e

phir tera zikr kiya baad-e-saba ne mujh se

phir mere dil ko dhaDakne ke bahane aae

'ash.har' bahut pattiyāñ shāḳhoñ se chhin ga.iiñ

tafsīr kyā kareñ ki havā tez ab bhī hai

'ashhar' bahut si pattiyan shaKHon se chhin gain

tafsir kya karen ki hawa tez ab bhi hai

jo us ke hoñToñ jumbish meñ qaid thā 'ash.har'

vo ek lafz banā bojh mere shānoñ

jo us ke honTon ki jumbish mein qaid tha 'ashhar'

wo ek lafz bana bojh mere shanon ka

muddatoñ ba.ad pashemāñ huā dariyā ham se

muddatoñ ba.ad hameñ pyaas chhupānī aa.ī

muddaton baad pasheman hua dariya hum se

muddaton baad hamein pyas chhupani aai

vaise bhī us se koī rabt na rakkhā maiñ ne

yuuñ bhī duniyā meñ kashish terī ba-nisbat kam thī

waise bhi us se koi rabt na rakkha main ne

yun bhi duniya mein kashish teri ba-nisbat kam thi