yaqīnan kaan katregā ye merā

chalā huuñ kāñdhe pe jis ko biThā kar

yaqinan kan katrega ye mera

chala hun kandhe pe jis ko biTha kar

haiñ ghar meñ ghusne ke ādāb bhī kuchh

chale aate ho har dam muñh uThā kar

hain ghar mein ghusne ke aadab bhi kuchh

chale aate ho har dam munh uTha kar

chalī aao bhī ab maike se begam

december meñ ye furqat Thiik hai kyā

chali aao bhi ab maike se begam

december mein ye furqat Thik hai kya

ḳhud-kushī se sabaq milā ham ko

zindagī maut se to behtar hai

KHud-kushi se sabaq mila hum ko

zindagi maut se to behtar hai

maiñ bhalā bach paatā kaise zulm ke pathrāv se

kāñch kī dīvār se merī hifāzat kī ga.ī

main bhala bach pata kaise zulm ke pathraw se

kanch ki diwar se meri hifazat ki gai