kis ko dekhūñ maiñ kis se baat karūñ

kitne chehre haiñ ek chehre pe

kis ko dekhun main kis se baat karun

kitne chehre hain ek chehre pe

nā-kām hasratoñ kā karūñ kis se tazkira

jis ko bhī dekhtā huuñ vo hai mubtalā-e-ġham

na-kaam hasraton ka karun kis se tazkira

jis ko bhi dekhta hun wo hai mubtala-e-gham

rashk maazī par kareñ ham kyā hai ye kaafī hameñ

kyuuñ nazar aatī nahīñ apnī koī ḳhāmī hameñ

rashk mazi par karen hum kya hai ye kafi hamein

kyun nazar aati nahin apni koi KHami hamein

apne thak jaane kā ehsās dilā.ūñ kaise

mere ghar vāloñ kī mujh se haiñ umīdeñ zinda

apne thak jaane ka ehsas dilaun kaise

mere ghar walon ki mujh se hain umiden zinda

chehre badal badal ke maiñ aatā nahīñ kabhī

jaisā bhī jo bhī huuñ are tujh sā nahīñ huuñ maiñ

chehre badal badal ke main aata nahin kabhi

jaisa bhi jo bhi hun are tujh sa nahin hun main

kaun muḳhlis kaun hāsid hai yahāñ

sūrateñ sab kī haiñ pahchānī huī

kaun muKHlis kaun hasid hai yahan

suraten sab ki hain pahchani hui

kyūñkar hamāre dukh kā mudāvā nahīñ huā

tafsīl us kī sab ko batā kar bhī kyā kareñ

kyunkar hamare dukh ka mudawa nahin hua

tafsil us ki sab ko bata kar bhi kya karen

sukūn-e-qalb kā sab inhisār tum par thā

maiñ kyā batā.ūñ baḌā e'tibār tum par thā

sukun-e-qalb ka sab inhisar tum par tha

main kya bataun baDa e'tibar tum par tha

maiñ jāntā huuñ ki insāf kuchh nahīñ hogā

na chaah kar bhī mujhe e'tibār karnā hai

main jaanta hun ki insaf kuchh nahin hoga

na chah kar bhi mujhe e'tibar karna hai

aahoñ ke taar baj uThe furqat ke saaz par

raqsāñ thī raat bhar koī Tīsoñ pe mutriba

aahon ke tar baj uThe furqat ke saz par

raqsan thi raat bhar koi Tison pe mutriba

'amal terā bhī sākit hai talab merī bhī nāqis hai

ki ab rūh-e-mohabbat se hue donoñ ke dil ḳhālī

'amal tera bhi sakit hai talab meri bhi naqis hai

ki ab ruh-e-mohabbat se hue donon ke dil KHali

vāraftagī meñ vārte ho jān-o-dil abhī

hotī haiñ 'ārzī sabhī 'ujlat kī chāhateñ

waraftagi mein warte ho jaan-o-dil abhi

hoti hain 'arzi sabhi 'ujlat ki chahaten