andhe bhī banā lete haiñ tasvīr sanam kī

bīnā.ī pe mauqūf nazāre nahīñ hote

andhe bhi bana lete hain taswir sanam ki

binai pe mauquf nazare nahin hote

sahrā meñ har kisī se nahīñ hote mo'jize

vo eḌiyāñ bhī haiñ jinheñ zamzam nahīñ milā

sahra mein har kisi se nahin hote mo'jize

wo eDiyan bhi hain jinhen zamzam nahin mila

āsmānoñ meñ uḌā karte the itrāte the

ek ik karke zamīnoñ ke nivāle hue log

aasmanon mein uDa karte the itraate the

ek ek karke zaminon ke niwale hue log

isī dariyā pe udāsī kā badan chūmte haiñ

āḳhir-e-shab tire darvāze se Taale hue log

isi dariya pe udasi ka badan chumte hain

aaKHir-e-shab tere darwaze se Tale hue log

mere lahje se pareshānī hai tujh ko sun le

maiñ jo ḳhāmosh rahūñgā to ġhazal bolegī

mere lahje se pareshani hai tujh ko sun le

main jo KHamosh rahunga to ghazal bolegi