sitāra ban ke kabhī ḳhvāb meñ chamak uTThūñ

isī bahāne mujhe āsmān mil jaa.e

sitara ban ke kabhi KHwab mein chamak uTThun

isi bahane mujhe aasman mil jae

haiñ koshisheñ ki bujhe aag shahr-e-dil kī magar

havā ba-zid hai use aur bhī jalāne par

hain koshishen ki bujhe aag shahr-e-dil ki magar

hawa ba-zid hai use aur bhi jalane par

habs itnā hai yahāñ saañs bhī ruk ruk jaa.e

kitnī be-jān huī sard havā mat pūchho

habs itna hai yahan sans bhi ruk ruk jae

kitni be-jaan hui sard hawa mat puchho

ham ne mahtāb kiyā kūcha-e-tārīk tirā

phir bhī ilzām ki haiñ shahr jalāne vaale

hum ne mahtab kiya kucha-e-tarik tera

phir bhi ilzam ki hain shahr jalane wale

lamha lamha hai qayāmat sī bapā ḳhvāboñ meñ

kis ḳhatā kī mujhe miltī hai sazā ḳhvāboñ meñ

lamha lamha hai qayamat si bapa KHwabon mein

kis KHata ki mujhe milti hai saza KHwabon mein

din guzartā hī nahīñ raat chalī aatī hai

dhuñdlake raat kī tasvīr liye aate haiñ

din guzarta hi nahin raat chali aati hai

dhundlake raat ki taswir liye aate hain

bas ye ik ḳhāna-purī hai karte rahiye dastaḳhat

pūchhiye mat kyā ḳhatā hai is dayār-e-mīr meñ

bas ye ek KHana-puri hai karte rahiye dastaKHat

puchhiye mat kya KHata hai is dayar-e-mir mein

lahū ke rang-o-gul se maiñ ne ik bastī banā.ī hai

badaltī hai har ik lamha magar tasvīr 'ālam kī

lahu ke rang-o-gul se main ne ek basti banai hai

badalti hai har ek lamha magar taswir 'alam ki

gunāhoñ ne mujhe baḳhshī hai shān-e-be-niyāzī par

gunahgārī mujhe mā'tūb karnā chāhtī hai ab

gunahon ne mujhe baKHshi hai shan-e-be-niyazi par

gunahgari mujhe ma'tub karna chahti hai ab