دیے کے اور ہواؤں کے مراسم کھل نہیں پاتے

نہیں کھلتا کہ ان میں سے یہ کس کی آزمائش ہے

ویسے تم اچھی لڑکی ہو

لیکن میری کیا لگتی ہو

میں اپنے دل کی کہتا ہوں

تم اپنے دل کی سنتی ہو

فقط غصہ پیے جاتے ہیں روز و شب کے جھگڑے میں

کوئی ہنگامہ کر سکتے جو وحشت راس آ جاتی

ہر ایک گام پہ رنج سفر اٹھاتے ہوئے

میں آ پڑا ہوں یہاں تجھ سے دور جاتے ہوئے

میں اڑتا رہتا ہوں نیلے سمندروں میں کہیں

سو تتلیوں کے لیے خواب لاتا رہتا ہوں

لے اڑا ہے ترا خیال ہمیں

اور ہم قافلے سے نکلے ہیں