کلیم حیدر شرر کی شاعری

کلیم حیدر شرر کے اشعار

یہاں پہ دشت و سمندر کی بات مت کرنا

ہمارے شہر کا ہر شخص ہے مکان زدہ

کئی لوگوں نے پھلتے پھولتے پیڑوں سے جانا ہے

مگر میں نے تجھے سبزے کی عریانی سے پہچانا

اپنے دروازے پہ بیٹھا سوچتا رہتا ہوں میں

میرا گھر اجداد کی بارہ دری کا کرب ہے

حقیقت ہے اسے مانیں نہ مانیں گھٹتی بڑھتی ہیں

وہ جھوٹی ہوں کہ سچی داستانیں گھٹتی بڑھتی ہیں

اب اس کو زندگی کہئے کہ عہد بے حسی کہئے

گھروں میں لوگ روتے ہیں مگر رستوں پہ ہنستے ہیں

سسکیاں بھر کے شررؔ کون وہاں روتا تھا

خیمۂ خواب سر شام جہاں پر ٹوٹا